Stofnfundur KVENN, sem er tengslanet uppfinninga- og frumkvöðlakvenna var haldinn í Perlunni 11.júlí 2007. Þar voru mættar konur sem allar fást við nýsköpun á ýmsum sviðum. M.a. þær sem hafa fengið alþjóðlegar viðurkenningar fyrir nýsköpun sína og ungar konur sem hafa tekið þátt í Nýsköpunarkeppni grunnskólanna.
Tengslanetið KVENN hefur það markmið að gera konur sýnilegri á sviði uppfinninga og frumkvöðlastarfsemi. KVENN er í norrænu(QUIN) og alþjóðlegu(GWIIN) samstarfi við að vekja athygli á nýsköpun kvenna og markmiðið er að búa til jákvæðar fyrirmyndir fyrir komandi kynslóðir.
KVENN mun leitast við að vera í samstarfi við hin ýmsu félög, skóla og atvinnulíf, til þess að ná því markmiði sínu að gera konur sýnilegri og afkastameiri á sviði uppfinninga og í frumkvöðlastarfsemi.
Í stjórn eru: Ágústína Ingvarsdóttir, sálfræðingur, Dórótea H. Sigurðardóttir, háskólanemi, Kolbrún Hjörleifs, skólastjóri Grunnskóla Mýrdalshrepps, María Ragnarsdóttir, doktor í sjúkraþjálfun, Svanborg R.Jónsdóttir , kennari og doktorsnemi í nýsköpunarmennt, Þuríður Guðmundsdóttir, EUWIIN verðlaunahafi og Elinóra Inga Sigurðardóttir sem er formaður KVENN. Hún hefur verið fulltrúi Íslands í norrænu tengslaneti uppfinninga og frumkvöðlakvenna, QUIN, frá 1996 og er höfundur að heimasíðu þeirra www.quinnetwork.com . Hún hefur skipulagt sýningar og ráðstefnur fyrir samtökin hér á landi árin 2001,2004 og 2005. Hún hefur einnig haldið fyrirlestra m.a. á OECD fundi í París 2002 og á fundi Business Women Network í Washington DC 2003, um mikilvægi tengslaneta, nýsköpun kvenna og mikilvægi þess að byggja upp sterkar og jákvæðar fyrirmyndir.
Fyrirtæki félagskvenna eru m.a.:
www.plasterplug.com Ný lausn til viðgerða á veggjum úr gifsi, stein eða spón.
AURIS – Ný meðferð við eyrnabólgu. Viðskiptahugmyndin felur í sér notkun velþekkts bakteríudrepandi efnis sem komið er fyrir í sérhönnuðum eyrnatöppum í ytra eyra til meðhöndlunar á miðeyrnabólgu.
www.thegreenbalm.com græðandi smyrsl og snyrtivörur úr íslenskum jurtum, sem notaðar hafa verið t.d. á brunadeild Landsspítalans. Fékk EUWIIN verðlaun í Berlín 2007
ReMo ehf. er sprotafyrirtæki í heilbrigðistækni sem vinnur að þróun og sölu á öndunarhreyfingamæli.
www.lifenavigation.com
www.hsh.ehf.is
www.hjalli.is
www.lexia.is
www.sogumidlun.is
www.voluskrin.is
Tengt efni:
- Þættir um íslenska frumkvöðla Ný sjónvarpsþáttaröð á Ínn tv um íslenska frumkvöðla. Hér er...
- Hvað munu þær velja eftir 10-15 ár? Dofri Hermannsson, sem er á grænu línu Samfylkingar og hefur...
- Íslenskar uppfinningar, konur í nýsköpun Á morgunn fimmtudag 27.nóv. kl.16 mun Orkuveita Reykjavíkur og KVENN,...
- Um skýrslu um nýsköpun Vefnum barst bréf frá Elínóru Ingu Sigurðardóttur hönnuði um skýrslu...
- Verum vakandi um náttúru Íslands Umhverfisstofnun hefur í samtarfi við Vatnajökulsþjóðgarð boðað til námskeiðs í...
February 3rd, 2009 at 1:56 pm
[...] Umsjónarkona er Elínóra Inga Sigurðardóttir, sem sjálf er frumkvöðull og var formaður frumkvöðla og uppfinningamanna 1998-2007 en stofnaði þá KVENN, félag kvenna í nýsköpun, sjá http://nattura.info/article/kvenn-tengslanet/ [...]