Ísland er land náttúrulegra heitra baða. Nú hafa menn fundið nýja heita lind í Skaftafelli, en í þeirri ferðamannaparadís er þá eiginlega allur pakkinn kominn, fullt hús: jökull, heitt vatn, sjór rétt hjá og lyngmóar um allt, lítill birkiskógur etc. Sjá frétt um heita vatnið í Skaftafelli á vef Ríkisútvarpsins:
Undanfarið hafa verið boraðar margar rannsóknarholur í Skaftafelssýslu og opnast nú möguleikar á heitum böðum fyrir ferðafólk í þjónustumiðstöðinni í Skaftafelli, en borholan er skammt vestan við hana.
Ómar Bjarki Smárason, sem stýrir jarðhitaleitinni, segir að 5 lítrar á sekúndu af 47,5 gráðu heitu vatni komi upp úr holunni. Þetta sé vatnsmesta holan sem fundist hafi í Austur Skaftafellssýslu.
Einnig fjallað um þetta á mbl.is Heitt vatn í Skaftafelli
Heitt vatn sprautaðist upp úr 300 metra djúpri borholu við tjaldstæðið í Skaftafelli í fyrrinótt. Skaftafell hefur fram til þessa flokkast sem kalt svæði í jarðfræðilegum skilningi, en áður höfðu verið boraðar tvær holur niður á 200 metra dýpi sem ekkert gáfu. Vatnajökulsþjóðgarður stóð að boruninni ásamt sveitarfélaginu Höfn í Hornafirði sem styrkti hana sérstaklega, en Jarðboranir sáu um framkvæmd verksins.
Vatnið var 43 gráður við yfirborð jarðar en 47 gráða heitt neðst í holunni. Þrýstingurinn var mikill að sögn þeirra sem voru viðstaddir þegar vatnið fannst. Ætlunin er að nota vatnið í þjóðgarðinum, en sem dæmi má nefna að húsin í Skaftafelli hafa hingað til verið hituð með gas- og rafmagnskyndingu.
Tengt efni:
- Obama og Ísland : Sýnum í verki að við horfum til framtíðar ! Saman! Obama sagði á fundi í Strassburg um daginn að við...
- Verum vakandi um náttúru Íslands Umhverfisstofnun hefur í samtarfi við Vatnajökulsþjóðgarð boðað til námskeiðs í...
- Heilsulandið Ísland, skýrsla Skýrsla þessi er unnin er fyrir samgönguráðherra af nefnd sem...
- Íslenskur búvörumarkaður verður að veruleika Nú vilja fleiri en nokkurn tíma vera með sinn eigin...
- Vatnsbólin okkar ! Varúð!!! Vatnsból Íslendinga eru þvílík og önnur eins auðlind og kannski...