Réttlætisgyðjan. Mósaíkmynd sem skýrir Platónskar pælingar um hið nýja ríki
Árósarsamningurinn fjallar meðal annars um aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum, sjá heimasíðu Árósasamningsins, bækling á ensku um Árósasamninginn. Auk skýrslu nefndar sem var skipuð til að fara yfir efni Árósasamningsins og meta hvaða áhrif hann hefði í för með sér hér á landi. Á vef utanríkisráðuneytisins segir frá starfshópi um undirbúning fullgildingar Árósasamningsins:
Kolbrún Halldórsdóttir umhverfisráðherra hefur skipað starfshóp til að undirbúa fullgildingu Árósasamningsins hér á landi. Verkefni starfshópsins er að gera tillögu um hvernig best sé að tryggja almenningi aðgang að réttlátri málsmeðferð við fullgildingu Árósasamningsins hér á landi. Auk þess er starfshópnum falið að gera tillögu um frekari vinnslu málsins í kjölfarið, þ.e. samningu nauðsynlegra lagafrumvarpa.
Nefnd sem falið var að fara yfir ákvæði Árósasamningsins skilaði skýrslu í september 2006 um nauðsynlegar aðgerðir til að uppfylla samninginn hér á landi. Í 5. kafla skýrslu nefndarinnar er gerð grein fyrir tveimur leiðum að innleiðingu þeirrar stoðar samningsins er varðar réttláta málsmeðferð í umhverfismálum og nauðsynlegar lagabætur í því sambandi. Ríkisstjórnin samþykkti á fundi sínum 6. febrúar að fela umhverfisráðherra í samráði við utanríkisráðherra og dómsmálaráðherra að ákveða hvor leiðin verði farin áður en undirbúningur að gerð lagafrumvarps hefst.
Starfshópinn skipa Sigríður Auður Arnardóttir, skrifstofustjóri í umhverfisráðuneytinu, formaður, Gunnar Narfi Gunnarsson, lögfræðingur í dóms- og kirkjumálaráðuneytinu, og Helga Hauksdóttir, sendiráðunautur í utanríkisráðuneytinu.
Heimasíða Árósasamningsins.
Bæklingur á ensku um Árósasamninginn.
Skýrsla nefndar sem var skipuð til að fara yfir efni Árósasamningsins og meta hvaða áhrif hann hefði í för með sér hér á landi.
Tengt efni:
- Bergur í Landvernd um Árósasamninginn Bergur Sigurðsson hjá Landvernd skrifar um Árósarsamninginn og þrjár stoðir...
- Þeim, sem fá stórar gjafir, er ábyrgð á höndum Íslendingar hafa fengið stórar guðsgjafir, ef svo má kalla alla...
- Lýðræðisleg réttindi frjálsra félagasamtaka Náttúruverndarsamtök Íslands fagna ákvörðun ríkisstjórnarinnar um staðfestingu Árósasamningsins sem fjallar...
- Laugardag: Kynning á nokkrum af nýjustu sprotafyrirtækjum Íslands Gulleggið 2009 Dómnefnd Frumkvöðlakeppni Innovit 2009 hefur lokið við að...
- Lykilatriði um Magmamálið. Ræða Jóns Þórissonar á blaðamannafundi um orkuaudlindir.is Á blaðamannafundi þar sem undirskriftasöfnun á orkuaudlindir.is var kynnt fyrir...