vinningshlaupafótur gervigreindarhönnunar Össurar, mynd af vef Listasafnsins á Akureyri. Hilmar B. Janusson hjá Össuri heldur fyrirlestur á ráðstefnunni um heilsu og nýsköpun og hefur margt gott til málanna að leggja

Rannís blæs til ráðstefnu um heilbrigðismál í stóru samhengi nýsköpunar á Íslandi á mánudaginn. Ráðstefnan er opin öllum en æskilegt að skrá sig á vef rannís. Sjá dagskrá ráðstefnunnar hér.

Mynd og lýsing á Bjarmasóley og vexti hennar á vef Lystigarðs Akureyrar: Vefur sig upp þræði/net, virkar oft hálfdauðaleg að vori, greinar þunnar og gráar árssprotar, hærðir framan af aldri. Blöðin gagnstæð, heil eða fjöðruð, smáblöðin aflöng-lensulaga, lanagydd, stundum 2-3 sepótt, órleglulega gróflega gistennt, tennur vísa beint út, um 5cm á lengd, gagnstæð, græn til grágræn og hærð í fyrstu en síðar hárlaus. Blómin á fyrraársgreinum, yfirleitt stök allt að 8 cm í þvermál, hanga stök á uppréttum hærðum löngum stilkum, silkihærð að utanverðu og á jöðrum, aldin með langan loðinn stíl og mynda (fjölmörg) saman fallega biðukollu , gulir haustlitir Heimkynni: NV Kína, Mongólía, M Asía

Kristín Þóra Kjartansdóttir sagnfræðingur í AkureyrarAkademíunni birti sinn reglulega pistil um garðrækt og matjurtamenningu í Bændablaðið núna síðast og leyfir okkur að endurbirta það hér til gamans, enda eru orð Kristínar í tíma töluð eins og venjulega og forsjáin meiri en kappið, enda er kappið ekki rétti kosturinn þegar á að byggja upp garð og gera tilraunir. Þá er fyrirhyggja, þolinmæði, auðmýkt og gleði betri kostir.

Kæri lesandi.
Vita Sackville-West skrifaði garðagreinar fyrir breska blaðið Observerí ein fjórtán ár. Vita var rithöfundur og garðræktandi en er ekki síður þekkt sem náin vinkona rithöfundarins Virginiu Woolf. Vita var ekki skólagengin í garðrækt heldur lærði hana af reynslunni. Hún og maður hennar, Harold Nicolson, gerðu garðinn við kastalann í Sissinghurst nálægt Canterbury á Bretlandi, þar sem þau bjuggu. Kastalinn var lengi og er, held ég, enn í opinberri eigu og garðurinn að því er ég best veit opinn almenningi og örugglega verður skoðunar. Ef einhver er á leiðinni til Bretlands…
Einlitir garðar
Eitt af því sem Vita skrifaði um voru einlitir garðar: „Það er mjög skemmtilegt að gera garð sem er í einum lit. Hann þarf ekki að vera aflokaður en ef svo er þá helst með þéttu limgerði, það fer best.
Ef slíkt er ekki til staðar þá er nóg að um sé að ræða hluta af garði eða garðhorn. Já, eða jafnvel bara rönd meðfram garðjaðrinum. Þegar staður fyrir einlitt garðstæði er valinn þá þarf að hafa heildarskipulag
(more…)

Bændamarkaðurinn í Búdapest. Þar er löng hefð fyrir prútti og fjöri

Ungversk paprika bundin saman til sölu

Nú vilja fleiri en nokkurn tíma vera með sinn eigin matjurtagarð og lítur líka út fyrir að íslenskur búvörumarkaður verði að veruleika, en þvílík bylting sem það yrði á Reykvískum veruleika að fá vörur beint frá framleiðanda til kaups! Nú mega súpermarkaðshlussurnar fara að passa sig! Bændablaðið flytur landsmönnum jákvæðustu fréttirnar og þar á meðal þessa, hér er umfjöllun um undirbúning bændamarkaðirins. Kristín Þóra sagði í pistli sínum um svona markaði sem við birtum um daginn að þeir þyrftu helst að vera úti, þá yrðu kaupin að einhverju öðru undir berum himni og menningin blómstraði, en þetta er allavega góð byrjun og má minna á miðbæjarmarkaðshöllina í Búdapest þar sem bændur koma saman á degi hverjum í fallegu glerhýsi og gríðarleg stemmning.

(more…)

Náttúruleg baðlaug á Hveravöllum. Sjá baðlaugaskrá Háskólaseturs Hvergaerðis

Í dag er heilsuferðaþjónustu-ráðstefna: Heilsa- upplifun-vellíðan. Vatnavinir og vinir heilsu- og ferðalandsins Íslands og þeir sem geta, mæti á hótel Hilton Reykjavík Nordica kl. 13-17. Ath. staðfesta þarf þátttöku á vef ferðamálastofu.is. AThuga að ungverskur sérfræðingur í heilsutengdri ferðamennsku heldur fyrirlestur, sjá dagskrá:

Kortlaggning náttúrulegra baðlauga, sjá Hveravefsíðu Háskólaseturs í Hveragerði

13:00-13:05 Setning ráðstefnu. Laufey Haraldsdóttir, Ferðamáladeild Háskólans á Hólum (more…)

Varmasmiður er stærsta bjalla á Íslandi og um hana eru m.a. skýrslur setursins

Í sambandi við heimagróðurhús, má minna á rannsóknir Róberts Dell sem getið hefur verið um hér á náttúra.info, á nýtingu umframjarðhita eða ónotaðs jarðhita til garðhitunar,  en Dell hefur stundað þær í Cooper University og við Háskólasetrið í Hveragerði. Eins og áður hefur komið fram virðist ekkert benda til þess að ákvörðun um að leggja Háskólasetrið niður verður breytt, en þá má minna á að við Háskólasetrið starfar annar tveggja vatnavistfræðinga á Íslandi, Tryggvi Þórðarson, en latneska orðið yfir vatnavistfræði er limnology og það er orð dagsins á náttúra.info. Þá má einnig minna á vefsíðuna nedrias.is og tengla þaðan á útgefið efni Háskólasetursins, m.a. um mengunarflokkun vatna og  aðrar merkilegar skýrslur um flokkun vatna.

Í sambandi við garðarækt og heilun, sjá síðustu færslu, má þá aldeilis minna á fyrirlestur á fimmtudag sem auglýstur er á fróðlegum vef Garðyrkjufélags Íslands: Fimmtudaginn 19. mars 2009 mun Hafsteinn Hafliðason, garðyrkjufræðingur fjalla um heimilisgróðurhúsið, gróðurval og þær græjur sem auðvelda ræktunina í þeim. Farið verður yfir helstu gerðir heimilisgróðurhúsa, uppbyggingu þeirra og fyrirkomulag. Einnig  um flokkun þeirra og notkun; hvað, hvernig og hvers vegna.  Þá verður farið í ýmis tækniatriði sem skipta máli varðandi vökvun, loftun og hitastillingu í heimilisgróðurhúsum. En ekki síst um þá uppsprettu gagns og gamans sem heimilisgróðurhúsin geta verið hverjum garðeiganda og áhugagarðyrkjumanni.

Framtíðarblómið. Blómaskreyting. Garðyrkjuskóli Íslands

Kristín Þóra Kjartansdóttir skrifar sinn reglulega pistil um gróður og garðamenningu í Bændablaðið og nú síðast alveg æsispennandi grein fyrir þjakaðar sálir um garðræktarþerapíu og mikilvægi þess að upplifa samhengi og hringrás.

Kæri lesandi.
Það er almennt viðurkennt að plöntur eru okkur lífsnauðsyn-
legar. Við nærumst á þeim og eru þær nærri óteljandi plönturnar og
plöntuafurðirnar sem við borðum. (more…)

Ísland er land náttúrulegra heitra baða. Nú hafa menn fundið nýja heita lind í Skaftafelli, en í þeirri ferðamannaparadís er þá eiginlega allur pakkinn kominn, fullt hús: jökull, heitt vatn, sjór rétt hjá og lyngmóar um allt, lítill birkiskógur etc. Sjá frétt um heita vatnið í Skaftafelli á vef Ríkisútvarpsins:

Undanfarið hafa verið boraðar margar rannsóknarholur í Skaftafelssýslu og opnast nú möguleikar á heitum böðum fyrir ferðafólk í þjónustumiðstöðinni í Skaftafelli, en borholan er skammt vestan við hana. (more…)

Náttúra.info var í samstarfi við Vatnavini í Neista-samræðu. Anna G. Sverrisdóttir f.h. Vatnavina, sendir vefnum skeyti í tilefni af stórri ráðstefnu Ferðamálastofu, Vatnavina og Ferðamáldeildar Háskólans á Hólum sem verður haldin á Hilton 18. mars, en best að skrá sig sem fyrst, sjá dagskrá og skráningarupplýsingar hér (Pdf) (og að neðan)

Frá Önnu:

Mig langar að vekja athygli ykkar á ráðstefnu sem haldin verður eftir viku og fjallar um eitt þeirra efna sem talsvert var rætt á vinnufundum Neista.

Segja má að talsvert hafi miðað í þessum efnum síðan í október og eru nýir sprotar að fæðast víða um land. Þetta er langtímaverkefni  en miðar í rétta átt, hægt en örugglega. (more…)

Skák upp á líf og dauða: Kyrra úr mynd Ingmars Bergmann Sjöunda innsiglið, sem fyrst var sýnd árið 1957, sá ljósi er leikinn af hinum stórkostlega leikara Max von Sydow

Nýr vefur fyrir norrænar lausnir á öllu varðandi orkutækni var opnaður 26.febrúar 2009;  www.nordicenergysolutions.org

Norrænar orkurannsóknir : www.nordicenergy.net/

Nýr vefur vekur athygli á norrænum orkulausnum

Norræna ráðherranefndin telur að Norðurlöndin eigi að verða leiðandi í útflutningi á sjálfbærum orkulausnum. Nú verður opnaður nýr vefur sem vekur athygli á áherslu svæðisins á slíkar lausnir.
Árið 2007 urðu norrænu forsætisráðherrarnir sammála um sameiginlegt átak til að kynna norrænar sjálfbærar orkulausnir.

(more…)