Nýskapað lamb. Mynd af ferðavef Vestfjarða: westfjords.is

Í Skessuhorninu og á vef Atvinnuþróunarfélags Vestfjarða eru orð sem loga af áræðni. Í kreppunni leita menn nú nýrra leiða, skapandi leiða í vöruþróun og ferðaþjónustu, skelrækt og fiskvinnslu og menn leita sér í meira mæli faglegrar ráðgjafar um ferlið frá frumraun til framleiðslu.

Í Skessuhorninu um daginn var viðtal við Ólaf Sveinsson forstöðumann Atvinnuráðgjafar Vesturlands sem segir að sér komi á óvart allur sá fjöldi hugmynda sem nú er dreginn fram í dagsljósið, eins og áður hafi ekki gefist tóm til að gaumgæfa fjölbreytileikann: “Þegar illa árar þá virkjast nýsköpunarkrafturinn í Íslendingum. Það hafa dæmin sannað og núna er það strax farið að koma í ljós,” segir Ólafur Sveinsson, (meira …)

Bændablaðið er að sumu leyti á undan sinni samtíð og í fyrra birtist grein þar eftir Kristínu Þóru Kjartansdóttur sagnfræðing og garðyrkjunema um lífrænt ræktað grænmeti í heimilisgörðum. Ekki er það nú nýtt að rækta sjálfur og heima og rækta sinn garð, jæja nema síður sé, en að fjalla um mikilvægi safnhauga og tengsl þeirra við loftslagsmál heimsins á opinberum vettvangi, það tíðkast í vaxandi mæli í kreppunni og kannski líka með hlýnandi loftslagi.

Lífrænt ræktað grænmeti - tekið af vefnum bondi.is

Lífræn ræktun í heimilisgörðum

Kæru lesendur. (meira …)

Gamla góða Rófan, svo stútfull af steinefnum og jarðbindandi krafti. Mynd af vef Landbúnaðarsafnsins. Rófustappa með hvítlauk er mjög góð með lambakjöti

Nú kennir Landbúnaðarháskólinn í samstarfi við Garðyrkjufélag Íslands hvernig megi best rækta matjurtir á svölum.

Fólki gefst nú kostur á að læra hvernig rækta á matjurtir bæði í görðunum heima hjá sér, í gróðurhúsum, við sumarhús eða jafnvel á svölum fjölbýla. Endurmenntun Landbúnaðarháskólans á Hvanneyri stendur fyrir námskeiðunum sem haldin verða á Reykjum í Ölfusi, Akureyri og Hvanneyri á næstu mánuðum. Einnig verður boðið upp á námskeið í því hvernig rækta eigi ber í heimagörðum. Í tilkynningu frá skólanum kemur fram að margir hafi þegar sýnt námskeiðum skólans áhuga. Námskeiðið er haldið í samstarfi við Garðyrkjufélag Íslands og Græna geirann og er einkum ætlað áhugafólki um ræktun matjurta á svölum og í litlu plássi.

(meira …)

Náttura.info birti greinar Kristínar Kjartansdóttur sagnfræðings um garðamenningu sem birst hafa í Bændablaðinu og hér er ein til, sem birtist í síðasta tölublaði, um lækningarmátt Vallhumalsins sem líka má nota sem krydd á lambakjöt og fleira.

Vallhumall

Kæri lesandi.

Mörgum hverjum þykir plantan vallhumall kannski ekkert sérstaklega merkileg og jafnvel frekar lítilfjörleg þar sem hún rembist við að lífga upp á rykuga vegkanta víðast hvar um landið. En hreinan og safamikinn vallhumalinn má líka auðveldlega finna fjarri mengandi bílaumferð og nýta á ýmsa vegu okkur til ánægju og lækninga, enda ein af okkar gömlu og góðu nytjajurtum.
(meira …)

Hátæknigróðurhús Orf. Mynd af vef Grindavíkurbæjar

Náttura.info barst mjög  skemmtilegt myndskeið um matjurtagarðmenningu á Kúbu og þá kom frétt frá því fyrir tveimur vikum um fjölgandi matjurtagarða í Reykjavík upp í hugann og leiðbeiningar um að búa sér til lítil færanleg gróðurhús á nátturan.is. Svo er líka hægt að hjúfra sig í kofa uppi í trjákrónulundi eða fara með teppi út í útfjólubláa ljósið í gróðurhúsinu og reykja havanavindil og hugsa.

Rauð radísa fyrir lifur og sál, rauð eins og trúðanef af gleði

Eins og minnst var á í síðustu færslu eru birtir í Bændablaðinu reglulegir pistlar um matjurtir og garðamenningu á Íslandi, kíkt í garða og í skruddur og allir eru pistlarnir sérlega skemmtilegir og eftir sagnfræðing AkureyrarAkademíunnar Kristínu Þóru Kjartansdóttur, og hér eru birtir með góðfúslegu leyfi nokkrir gullmolar:

14.maí 2008

Vorverkin í garðinum

Kæru lesendur.
Nú þegar vorið er loksins komið fyrir norðan og sunnan er marg-
ur garðeigandinn eflaust farinn að huga að ýmsu sem bíður í garðinum
eftir veturinn. Sumt af þessu gerum við sjálf, mörg hver sinna öllum
þessum verkum sjálf en aðrir fá aðstoð eða láta jafnvel garðyrkju-
fólk alfarið um umhirðu garðsins. En sama hver innir verkin af hendi,
þá þarf að ganga í þau og heilsa þannig vorinu um leið með klipp-
ingum, snyrtingum og snurfusan á nánasta umhverfi. (meira …)

Sundlaugin Laugabrekku

Að fara í sund í Hveragerði og í gufubað beint yfir bullandi hver, og horfa á snjóinn í fjallinu og krummana og glugga síðan í Bændablaðið á bókasafninu, það gefur manni von og minnir á allt það góða sem við eigum. Í bændablaðinu sem kom út í dag er svo margt áhugavert að manni endist ekki dagurinn til að lesa það allt; um áskorun garðyrkjubænda og ostagerð, um pólitískt raforkuverð og byggrækt- og myndirnar eru líka skemmtilegar m.a. af kind með horn að vaxa út úr eyranu og af sætum bændum og gróðurkonum. Meðal annars er í blaðinu fastur liður um matjurtir og aðra garðamenningu eftir sagnfræðinginn Kristínu Þóru Kjartansdóttur og hefur Náttúra.info fengið leyfi til að birta greinar hennar reglulega, sjá næstu færslu. Einnig er í blaði dagsins tilkynning um fræðaþing landbúnaðarins sem haldið er í dag og á morgun á annarri hæð Hótel Sögu (er það ekki gamla Bændahöllin?), en erindin má nálgast á vefnum www.bondi.is. Í dag, föstudag, er nýsköpun í dreifbýli á dagskrá, smáframleiðsla matvæla, vatnavistfræði og fleira sérlega spennandi, sjá nánari upplýsingar hér að neðan. Í tengslum við nýja hugsun í matvælaiðnaði á Íslandi,má benda á tengilinn um íslenskt já takk til upplýsingar fyrir þá sem vilja stuðla að sjálfbærri þróun á Íslandi: http://www.islenskt.is/?webID=1&i=2&s=42

(meira …)

Baðlaugar á Íslandi. Af Hveravefsíðu Háskólaseturs Hveragerðis: hot-springs.org

Nú er bara eins og stjörnustríð á Íslandi: dregnir upp gamlir útreikningar og nýir og þeir vegnir á vogaskálum: Hvað mun bjarga Íslandi?  Hér eru nokkrar glóðvolgar og gleðjandi heimildir um möguleika stórtækrar uppbyggingar á heilsulindarmenningar, sérstaklega á sviði heilsutengdrar ferðaþjónustu. Á mbl.is í morgun er birt þessi líka fína skýrsla eftir Hrefnu Kristmannsdóttur og Sigríði Halldórsdóttur, en skýrslan var gefin út að vori 2008 og birtist á Náttúra.info síðsumars, en er hér endurbirt, ásamt nokkrum öðrum góðum, m.a. greinargerð um baðlækningar við afneitun á afleiðingum stóriðjustefnu og bréfi Hrefnu Kristmannsdóttur til vefs Náttúra.info um heilsutengda ferðaþjónustu: (meira …)