Lækningarmáttur vatns og baða verður nú ekki véfengdur og æ fleiri rannsóknir sýna fram á jákvæð áhrif baðmeðferða á ótrúlegustu mein, líkams- og sálar. Eins og áður hefur komið fram er eitt af því sem við gætum gert til að snúa vörn í sókn á erfiðum tímum, að efla heilsulindaruppbyggingu á Íslandi. En ef það á að hafa einhver grundvallaráhrif á land og þjóð og á heiminn, þá er ekki nóg að hreinsa upp eina gamla sundlaug þar og byggja annað blátt lón. Það verður að líta á landið í heild sem eina uppsprettulind nýrra tækifæra og lækningarmáttar, virkja þá uppbyggingu sem þegar hefur átt sér stað á þessu sviði, t.d. í sjúkrastofnunum og í sundlaugum og á menntun, líf- og hátækni, umhverfisfræði, arkítektúr, hönnun, lyfjaþróun og lífrænni matvælaframleiðslu.  Og það verður ekki bæði haldið og sleppt. Jakob Björnsson fyrrverandi orkumálastjóri sagði í spjalli að það væri nú meira hvað náttúruverndarsinnar hefðu áhyggjur af slæmum áhrifum álvera á náttúruna og á ímynd Íslands, nægði að benda á Sviss til að sjá að þeirra stjóriðja hefði hvergi skaðað ímynd landsins sem heilsustaðar. En þá má nefna að tímarnir eru breyttir og það sem menn komust upp með hingað til og hafa jafnvel státað sig af því, er ekki lengur í boði. Vilji menn nýta sér lækningarmátt og aðdráttarafl náttúrunnar þýðir ekki um leið að spreða mengunarvaldandi efnum í loft, jörð og vatn. Slíkt væri þá gert í algerri afneitun á afleiðingum í heildrænu samhengi. En nú eru að koma ýmsar skýrslur fram sem sýna fram á að böð séu góð fyrir andlega kvilla, eins og t.d. langvarandi afneitun. Helga Hreinsdóttir, sem starfar í Alpentherme í Sviss, hæstliggjandi jarðbaðastað í Evrópu, skrifaði ritgerð um jákvæð áhrif sundlaugaferða á þunglyndi, í mastersnámi sínu við Íþróttaháskólann í Osló árið 2007 og leyfir Náttúru.info að birta þá ritgerð:

Í verkefninu var notuð nálgun Thomas Fuchs á þunglyndi. Hann er þýskur geðlæknir og
heimsspekingur og hefur rannsakað þunglyndi útfrá fyrirbærafræði Merleau Pontys sem skipti
persónunni ekki í sál annars vegar og líkama hinsvegar, heldur sagði “sjálfið” liggja í líkamanum og
þroskast samhliða reynslu og ferð líkamans um heiminn.

Menning, náttúra og umhverfi eru þannig einnig hluti af því hver við erum. Líkaminn er leið persónunnar til veruleikans, með honum skynjar og upplifir persónan umhverfið og notar líkamann til að bregðast við umhverfinu. Með líkamanum sýnum við okkur sjálf og í gegnum líkama okkar upplifum við aðra. Ponty talar einnig um að í gegnum aðra skynjum við okkur sjálf.

Sjá ritgerð í heild sinni í Pdf-skjali: badmenning-thunglyndi, með góðfúslegu leyfi höfundar.

What we anticipate in our destinations is not holiness or divine visions, but something even more miraculous – the opportunity to feel diffrent from the way we feel at home. It is as if the act of travelling to a certain place in the world entitles us to feel happier and more alive. (Chaline, 2002:67)

Heilsuferðaþjónusta er einn af sprotum ferðaþjónustunnar í dag. Aukinn áhugi almennings á heilsu og vellíðan tengist breyttum lífsstíl og meiri ábyrgð fólks á eigin heilsu í heimi allsnægta. Áhugi á heilsu er þó hreint ekki nýr af nálinni. Hann má m.a. rekja aftur til Grikkja og Rómverja sem stunduðu böð og heilsulindir bæði í læknisfræðilegum tilgangi og til að bæta almenna líðan. Á Íslandi hefur jarðhiti verið notaður til þvotta og baða allt frá landnámsöld.

Ljóst er að hugtakið heilsuferðaþjónusta hefur mismunandi merkingu í hugum fólks og í breiðasta skilningi spannar þessi tegund ferðaþjónustu allt frá gönguferðum í náttúrunni til hátæknilækninga á sjúkrahúsi. Á ensku eru m.a. notuð hugtökin health tourism, wellness tourism, spa tourism, curative tourism eða medical tourism eftir eðli þeirrar starfsemi sem um er að ræða. Heilsa eða heilbrigði hefur verið skilgreint sem “líkamleg, andleg og félagsleg vellíðan”. Þessi skilgreining á heilsu skýrir að hluta fjölbreytilegan skilning fólks á þessari tegund ferðaþjónustu, en aðrir þættir eins og menning, saga og tungumál hafa þarna einnig áhrif. (more…)

Á Náttúran.is er að finna áhugaverðar upplýsingar um Vottunarstofu Túns (heimasíða í smíðum) og lífræna og sjálfbæra framleiðslu á Íslandi, svo sem vinnslu æðardúns sjá http://www.natturan.is/efni/flokkur18/sida1/

Lífræn/sjálfbær framleiðsla breiðist út. Þrír Norðlenskir bændur og fyrirtæki fá vottun á lífræna framleiðslu og náttúrunytjar.

Föstudaginn 17. október voru afhent á Akureyri vottorð Vottunarstofunnar Túns til þriggja Norðlenskra framleiðenda um að þeir uppfylli alþjóðlegar kröfur um lífrænar aðferðir og sjálfbærar náttúrunytjar.

Vottun hlutu bændur á Finnastöðum í Eyjafjarðarsveit sem stunda blandaðan búskap, bændur á Höfnum á Skaga sem safna æðardún og vinna úr honum, og Urtasmiðjan á Svalbarðsströnd sem safnar villtum íslenskum plöntum. (more…)

Á afar upplýsandi vef Náttúran.is má finna góðar leiðbeiningar um matvæli, lífræna vottun og lífræna ræktun, sjá umfjöllun um matvæli : http://www.natturan.is/efni/flokkur754/sida1/

Lífræn ræktun felur í sér að ekki er borinn tilbúinn áburður á túnin, lyfjagjöf er minni og ekki er notað grænfóður.

Brekkulækur er bóndabær í Húnaþingi vestra, 200 km frá Reykjavík. Bærinn stendur við Miðfjarðará og næsta þettbýli er Hvammstangi, 20 km í burtu. Nú eru 5 ár liðin síðan kjötið frá Brekkulæk var vottað frá vottunarstofu TÚN ehf. og hefur það fengið góð meðmæli kaupanda. (more…)

Fiskey hefur verið stærsti einstaki framleiðandi lúðuseiða á heimsvísu frá árinu 1998. Árið 2002 framleiddi fyrirtækið 420 þúsund lúðuseiði og 750 þúsund seiði árið 2003. Stefnt er að framleiða yfir 1 milljón seiða árið 2008. Stærsti hluti af framleiðslunni er seldur til áframeldisstöðva erlendis.
Framleiðsla lúðuseiða hefur verið helsti þröskuldurinn í þróun lúðueldis í heiminum.

(more…)

Það nýjasta hjá Ektafiski nefnist „Gullkistan”, en það er gjafavara sem er ætluð fyrir ferðamenn og Íslendinga sem vilja senda vinum og viðskiptamönnum sérstaka og þjóðlega vöru frá Íslandi.
Um er að ræða timburkassa sem innihalda gamla góða þjóðlega þurrkaða saltfiskinn okkar sem skipar svo stóran sess í atvinnusögu okkar Íslendinga. Í kassanum eru nokkrir bitar af þurrkuðum saltfiski ásamt uppskriftum og leiðbeiningum á fjórum tungumálum; íslensku, ensku, spænsku og þýsku, um það hvernig á að útvatna og elda fiskinn.

Ekta fiskur er hágæða íslenskur fiskur, tilbúinn í pottinn eða ofninn. Hjá Ekta fiski færðu alvöru saltfisk og holla tilbúna rétti. Sérstaða Ekta fisks í saltfiski felst í fyrsta flokks hráefni unnið á máta sem gerir Ekta fisk að einstöku hráefni til matreiðslu, enda er Ekta fiskur borinn á borð helstu veitingastaða landsins sem og fjölda veitingahúsa víða um Evrópu. (more…)

Bruggsmiðjan á Árskógssandi hóf starfssemi 2006 og framleiðir bjór og léttöl. Agnes Sigurðardóttir og Ólafur Þröstur Ólafsson aðaleigendur sáu færi á að koma með nýja tegund af bjór á markaðinn. Þeim langaði að búa til bjór sem væri mjög vandaður og með miklu bragði. Þess vegna var valið að brugga bjór eftir Tékkneskri hefð frá 1842, þar sem Tékkland er frægt um allan heim fyrir góðan og einstaklega vandaðan bjór. Þau fengu tékkneskan bruggmeistara til liðs við sig og bjuggu til sinn eigin bjór. Þar sem að markmiðið var að búa til eðal bjór þá var valið allra besta hráefni sem völ er á og kemur allt hráefnið frá Tékklandi, fyrir utan að sjálfsögðu íslenska vatnið sem að kemur úr lind við Sólarfjall við utanverðan Eyjafjörð. Útkoman er Kaldi, íslenskur bjór, bruggaður eftir tékkneskri hefð, með besta hráefni sem völ er á, ógerilsneyddur, með engum viðbættum sykri og án rotvarnarefna, sem gerir hann eins hollan og bjór getur mögulega orðið.

Bruggsmiðjan s: 466-2505 / 861-3007

Evrópusambandið hefur hvatt fyrirtæki og aðra hagsmunaaðila til að stofna þróunarvettvang (e: ETP, European Technology Platform) sem hefur það hlutverk að virkja iðnaðinn til að skilgreina rannsóknarþörf og hafa áhrif á mótun rannsóknaráherslna í 7. rammaáætlun Evrópusambandsins (FP7). Samtök matvælaframleiðanda í Evrópu stofnuðu slíkan vettvang á sviði matvæla og lífsgæða Food for Life, sem hefur gefið út rannsóknaáherslur fyrir tímabilið 2007- 2020. Leiðarljós Food for Life er aukið framboð hollra matvæla fyrir alla.

(more…)

Í fyrsta sinn nú í haust fá sauðfjárbændur, með vottaða lífræna ræktun, 20% hærra verð fyrir afurðir sínar. Helga Þórðardóttir, sauðfjárbóndi í Skagafirði, segir að kjöt af lífrænt ræktuðu fé sé einfaldlega betra, auk þess sem kindurnar verði hraustari.

Um þessar mundir framleiða 6 íslenskir bændur lífrænt lambakjöt og eru tvö sláturhús vottuð fyrir móttöku á lífrænu sláturlömbum og vinnslu á lífrænum sauðfjárafurðum, en það eru sláturhús KVH á Hvammstanga og SAH afurða á Blönduósi.

Sjá: http://www.ruv.is/heim/frettir/frett/store64/item231925/

Innlend rannsóknaverkefni eru mjög stór hluti af starfsemi Matvælarannsókna Keldnaholti. Fyrst og fremst er um að ræða samstarfsverkefni við fyrirtæki í matvælaiðnaði, rannsóknastofnanir og háskóla. Markmið verkefnanna er yfirleitt að leysa einhver tæknileg vandamál, sem fyrirtækin hafa ekki aðstöðu eða sérþekkingu til að leysa sjálf. Stefnt er að því að árangur verkefnanna skili sér til fyrirtækjanna innan tveggja til fjögurra ára. Nokkur verkefni eru ekki unnin í samstarfi við fyrirtæki, en þá er fyrst og fremst um að ræða uppbyggingu þekkingar eða hæfni á ákveðnum sviðum.

Erlend rannsóknaverkefni eru einnig mjög mikilvægur þáttur í starfseminni. Með þátttöku í slíkum verkefnum gefst sérfræðingum Matvælarannsókna tækifæri til þess að starfa náið með fremstu sérfræðingum Evrópu á einstökum afmörkuðum sviðum. Samstarfið leiðir til þess að ný þekking og tækni er flutt til landsins og miðlað til matvælafyrirtækja. Verkefni þessi standa yfirleitt í þrjú til fjögur ár og eru samstarfsverkefni aðila frá tveimur eða fleiri löndum. Á sviði matvælatækni hefur Iðntæknistofnun einkum tekið þátt í norrænum verkefnum, sem fjármögnuð eru af Norræna iðnaðarsjóðnum svo og Evrópuverkefnum, sem fjármögnuð eru af Evrópusambandinu. Í dag eru Matvælarannsóknir Keldnaholti í samstarfi við fjölmörg fyrirtæki og stofnanir í Evrópu í slíkum verkefnum. (more…)