Obama og Ólafur Ragnar á ráðstefnu um loftslagsmál í Alaska í fyrra. Obama væntanlega með forláta bækling með myndum af landinu. Mynd frá prince.org

Obama sagði á fundi í Strassburg um daginn að við hljótum öll að vita að tíminn er að renna út, hlýnun jarðar er í hraðri þróun og að við verðum að bregðast við. Hann hvetur iðnþjóðirnar til að hugsa stórt og vera ábyrgar í umhverfismálum og að hugsa um nýsköpun í orkumálum og atvinnusköpun í samhengi jarðarinnar og umhverfisins og leita að betri og grænni nýtingu endurnýjanlegrar orku og að grænum fjárfestingartækifærum. Hann sýndi því áhuga að koma til Íslands , sagðist alltaf hafa langað til að koma þangað, og að hann vildi rannsaka möguleikana sem við höfum til nýsköpunar í jarðvarmavirkjunum og lofstslagslausnum. Þvílíkt tækifæri sem slík heimsókn væri til kynningar á nýrri grænni tækni og nýrri skapandi hugsun! Hvað væri gaman ef við gætum boðið hann velkominn og allan heiminn til að skoða okkar náttúruauðlindir og mannauð í formi hugmynda og grænna framkvæmda, svo heimurinn mætti læra af öðru en mistökum okkar!  Og hvað væri líka gaman ef gætum sýnt gott fordæmi á Kaupmannahafnarfundinum og hætt að reyna að væla út órættmætar og óraunsæjar undanþágur. Ef við gætum bara tekið risastökk núna og sett allt á fullt í átt að sjálfbærri og vistvænni framtíð!

Hér að neðan eru tvær klausur um Obama og Ísland, og pistill af Vísindavefnumum jarðvarma: Hvað er jarðhiti?

Það er ljóst að leit okkar að farsælli leið verður að eiga sér stað í öflugri samræðu á milli vísindamanna, þeirra sem hafa reynslu af landinu og virkjun orkuauðlinda þess, hinna sem eiga sér drauma, fjárfesta, fræðimanna, stjórnmálamanna etc. etc. Við verðum að endurskoða svo margt og slík endurskoðun þarfnast þátttöku allra!

Obama: Atvinnusköpun má ekki vera á kostnað umhverfisins (more…)

Táknmynd millilandaferjunnar Smyrils eða Norrænu, sem fer frá Seyðisfirði til Færeyja og áfram út í norðrið

Norræna á fleygiferð!

Norræn umhverfisáætlun
Framkvæmdaáætlun 2009-2012

Loftslagsmál, líffræðileg fjölbreytni, sjálfbær neysla og framleiðsla, eru stærstu drættirnir í  stefnumótun norrænu ráðherranefndarinnar í umhverfismálum til þriggja ára. Embættismannanefnd ber ábyrgð á framkvæmdinni, en norrænu umhverfisráðherrarnir á pólitískum þáttum samstarfsins. Jafnframt hefur verið gefin út norræn áætlun um sjálfbæra þróun.

Fréttatilkynning:

Norræna ráðherranefndin hefur gefið út framkvæmdaáætlun í umhverfismálum 2009-2012. Í áætluninni er stefnumótun í norrænu umhverfisstarfi tíunduð og m.a. fjallað um loftslagsmál, hafið, líffræðilega fjölbreytni og sjálfbæra neyslu og framleiðslu.

Norrænu umhverfisráðherrarnir bera meginábyrgð á pólitískum þáttum umhverfissamstarfsins en embættismannanefnd skipuð af ráðherrunum ber ábyrgð á framkvæmd umhverfisáætlunarinnar.

(more…)

Mary Robinsson, fyrrum forseti Írlands og Björk Guðmundsdóttir á ráðstefnu Road to Copenhagan þar sem undanþágur voru til umræðu í undirbúningi Kaupmannahafnarfundarins. Björk lýsti því yfir að Íslandi væri ekki sómi að því að sækja um frekari eða áframhaldandi undanþágur þar sem stóriðjan er undanskilin í útreikningum á mengun loftslagsins

Árni Finnsson forsvarsmaður Náttúruverndarsamtaka Íslands sendir okkur bréf um undanþágur Íslands í loftslagsmálum. Í ljósi þess að verið var að afgreiða málið í nefnd á Alþingi þar sem bæði Sjálfstæðis- og Framsóknarmenn ályktuðu um mikilvægi þess að Íslendingar fengu áfram sínar undanþágur, sem í sjálfu sér er úrelt krafa, er bréf Árna mjög aktúelt. Hann rekur óheilindi og falsanir, ónákvæm vinnubrögð þar sem illa er vísað til heimilda og fyrri skuldbindinga.

Bréf frá Árna:

Siv Friðleifsdóttir er fyrsti flutningsmaður að þingsályktunartillögu sem ber titilinn „… hagsmuni Íslands í loftslagsmálum.” Ekki er ljóst hvað tillagan felur í sér en samkvæmt flutningsmönnum er það markmiðið að Ísland fái frekari undanþágur fyrir útstreymi gróðurhúsalofttegunda frá stóriðju í samningaviðræðum um framhald Kyoto-bókunarinnar sem fram fara í Kaupmannahöfn í desember.

Samtals nemur aukning í losunarheimildum Íslands nær 60% á tímabilinu 2008 – 2012 miðað við 1990. Næst þar á eftir kemur Ástralía með 8% aukningu. Nú skal sækja mengunarheimildir fyrir stóriðju langt umfram þær sem Ísland aflaði sér þegar endanlega var gengið frá Kyoto-bókuninni í Marakech haustið 2001. (more…)

Nú fer ríkið á undan með góðu fordæmi. Ábyrgð einstaklinga og ábyrgð Íslands alls fer saman. Á vef Umhverfisráðuneytisins er sagt frá undirritun Kolbrúnar Halldórsdóttur, umhverfisráðherra og Steingríms J. Sigfússonar, sem fjármálaráðherra um vistvæn innkaup ríkisins og áherslur á umhverfissjónarmið í öllum innkaupum, sem gæti orðið mjög fordæmisgefandi, dregið úr kostnaði og hvatt til nýsköpunar:

Ríkisstjórnin samþykkir stefnu um vistvæn innkaup

Íslenska ríkið kaupir vörur, þjónustu og verk fyrir meira en 100 milljarða króna á ári sem er um fjórðungur af útgjöldum ríkisins. Með því að hafa umhverfissjónarmið til hliðsjónar við þessi innkaup, getur ríkið komið miklu til leiðar í umhverfismálum. Með skýrum kröfum um umhverfissjónarmið stuðlar ríkið að því að markaðurinn bjóði fram nýja og betri valkosti til að mæta kröfum um minna álag á umhverfið. Þar sem vitund manna um að vernda þurfi umhverfið eykst ár frá ári um heim allan, getur þessi stefna leitt af sér bættari samkeppnisstöðu íslenskra fyrirtækja á alþjóðavettvangi, bregðist markaðurinn við kröfum ríkisins um umhverfisvænni valkosti. Hagsmunir ríkisins og einkamarkaðarins, og þar með samfélagsins alls, fara því tvímælalaust saman þegar kemur að því að taka aukið tillit til umhverfisins við opinber innkaup. (more…)

Álverksmiðjan á Reyðarfirði. Á heimasíðu Alcoa Fjarðaráls, www.alcoa.com/iceland/ic/home.asp er sagt að verksmiðjan sé sú fullkomnasta í heimi, m.a. hvað varðar mengunarvarnir

Ingibjörg Elsa Björnsdóttir skrifar grein á vef Smugunnar um falskar forsendur yfirlýsinga og almannatengslaplagga Alcoa og líkir þeim við sértrúarsöfnuð. Greinin er þarft innlegg í umræðuna um Loftslagsstefnu Alcoa þar sem sjálfbærni og annað umhverfislega jákvætt orðalag er óhikað notað í samhengi við sérstöðu Íslands, auk þess sem ábyrgð fyrirtækisins gagnvart Kyoto-bókuninni er ítrekuð, án þess að minnast á augljósa og of mikla mengun álframleiðslu á Íslandi. Ingibjörg vísar til þess í titli greinar sinnar að Landvernd styðji þessa stefnuyfirlýsingu. Er það rétt? Og þá hvers vegna? Það er spurning dagsins á Náttúra.info.

Sértrúarsöfnuður Alcoa: Trúboð Áliðnaðar innan Landverndar

Þann 27.mars s.l. barst mér sem stjórnarmanni í Landvernd bréf frá Alcoa á Íslandi. Með bréfinu fylgdi upplýsingablað um Loftslagsstefnu Alcoa og blað með svokölluðum staðreyndum um Alcoa Fjarðarál í Reyðarfirði. Um dæmigerð almannatengslaplögg er að ræða og er tilgangur þeirra að fá viðtakandann til þess að trúa því sem í plöggunum stendur. Hér er semsagt um trúboð að ræða í anda mormóna og Votta Jehóva, bara mun útsmognara. (more…)

Ísland má ekki einangra sig í Alþjóðasamræðu um mikilvægasta málefni næstu ára

Umsögn um þingsályktunartillög um undanþágur fyrir Ísland frá alþjóðlegum loftslagssamningum

Náttúruverndarsamtök Íslands hafa sent umhverfisnefnd Alþingis umsögn um þingsályktuartillögu Sivjar Friðleifsdóttur og fleiri um frekari undanþágur fyrir Ísland frá alþjóðlegum samningum um samdrátt í útstreymi gróðurhúsalofttegunda, 2013 – 2020.
(more…)

Náttúra.info spurði í gær um réttmæti kröfu Samtaka Atvinnulífsins um endurnýjaða undanþágu Íslands í loftslagsmálum. Svar hefur borist frá Auði H. Ingólfsdóttur, alþjóðastjórnmálafræðingi, sem skrifar úr fríinu sínu! Hún hefur ritað mjög áhugaverðar greinar um stöðu Íslands í loftslagsmálum, sjá til dæmis þessa sem birtist á vef Náttúra.info í byrjun nóvember. Hún óskar eftir áframhaldandi umræðu um málið.

Takk fyrir þessa umræðu. Það litla sem ég hef haft færi á að kynna mér þessa þingsályktunartillögu, þá er hún fremur undarleg. Á að fara fram að Ísland haldi áfram sömu undanþágunni, eða fái viðbótarheimild? Hversu mikla viðbótar heimild? Hvaða röksemdarfærslu á að beita? Á Ísland endalaust að fá undanþágur vegna smæðarinnar? Annað sem þingsályktunartillagan lítur fram hjá er sú staðreynd að Íslandi mun þurfa að innleiða tilskipun Evrópusambandsins varðandi kvótamarkað með gróðurhúsalofttegundir. Evrópusambandið gerir ráð fyrir að álver verði hluti af þessu kvótakerfi alveg á næstunni. Þetta þýðir að í framtíðinni þurfa íslensk álver væntanlega að vera þátttakendur í evrópuskum markaði um losunarheimildir. Hvernig á að samræma það við undaþáguákvæði og sérákvæði? Vildi ég hefði meiri tími til að kafa aðeins ofan í þetta, en er í fríi í augnablikinu. En þetta er spurning sem þarf að ræða af einhverjum viti – en ekki með innantómum þingsályktunartillögum sem eru ekki í neinum takt við raunveruleikann. Kveðja, Auður

Hús atvinnulífsins

Á vef samtaka atvinnulífsins er eindreginn stuðningur við þingsályktunartillögu um undantekningu Íslands í alþjóðasamningum kenndum við Kyot, sem tekinn verður til endurskoðunar á ráðstefnunni í Kaupmannahöfn í lok ársins. Krafan er sett fram til stuðnings íslensku atvinnulífi, sjá texta hér að neðan af vef Samtakanna.

Náttúra.info óskar eftir umræðu um málið: Er þetta réttmæt krafa? Nú hefur heyrst að á Kaupmannahafnarfundinum verði frekar reynt að koma í veg fyrir að Vestrænar þjóðir fái frekari undantekningar og því víst að góðs rökstuðnings er óskað við samningaborðið.

Stuðningur Samtaka atvinnulífsins á vef þeirra: Samtök atvinnulífsins styðja eindregið að þingsályktunartillaga um hagsmuni Íslands í loftslagsmálum sem nú liggur fyrir Alþingi verði samþykkt. SA telja tillöguna bæði tímabæra og mikilvæga. Stefnt er að því að ljúka gerð nýs alþjóðlegs samkomulags um loftslagsmál á þessu ári, sem taka á við þegar tímabili Kyoto-bókunarinnar lýkur árið 2012. Alger nauðsyn er að útstreymisheimildir Íslands samkvæmt nýju samkomulagi endurspegli raunverulegt útstreymi að meðtöldum heimildum íslenska ákvæðisins svokallaða. Náist það ekki er vandséð hvernig Ísland geti átt aðild að nýju loftslagssamkomulagi. (more…)

Fagra Helgavík. Mynd: graenanetid.blog.is

Á vef sjálfstæðismanna amx.is birtist í gær grein Ágústs Þórhallssonar um álver í Helguvík, en einnig fjalla smugan og eyjan um málið.

Munu lánardrottnar Century Aluminum taka yfir Norðurálverkefnið?

Um höfundinn: Ágúst Þórhallsson, hdl., MBA starfrækir einkahlutafélagið M10 sem er fyrirtækjaráðgjöf og lögmannsstofa.Ágúst lauk MBA prófi frá Edinburgh Business Scool árið 2006 með sérstaka áherslu á sögu fjármálamarkaða.

Fyrir alþingismönnum liggur fyrir að samþykkja einhverja óljósa tegund af fjárfestingarsamningi um uppbyggingu á álveri Norðuráls í Helguvík. Það er fróðlegt að skoða hvernig fjárfestar meta stöðu móðurfélags Norðuráls Century Aluminum á verðbréfamarkaðnum í New York. Gengi félagsins á föstudaginn var rétt um einn dollar á hlut og hefur fallið gríðarlega eins og sjá má af neðangreindri mynd. (more…)

Þegar skyndilega koma upp miklir kólerufaraldrar er orsakarinnar oftast að leita í menguðum vatnsbólum. Sjá vísindavef.is

Vatnsból Íslendinga eru þvílík og önnur eins auðlind og kannski getum við ekki metið hana að verðleikum fyrr en úti í eyðimörkinni að drepast úr þorsta, eða ef við verðum að gefa sjúku kornabarni vatn og eigum ekki kost á öðru en menguðum vökva. En þá er kannski heldur seint að byrgja brunninn fyrir óæskilegum mengunarefnum. Paul Hawken sem kom til Íslands á vegum Bjarkar og hélt fyrirlestur um stöðu landsins með tilliti til kreppu og umhverfisins, hélt því fram að Íslendingar, með sín ómenguðu vatnsból,  alla sína orku og menntun, hnattstöðu og tengsl við umheiminn væru best setta þjóð í heimi þegar til framtíðar er litið. Og að menn muni vilja greiða æ hærra verði það sem Íslendingar eiga: hreinleikann og orkuna, vatnið og menntunina. Í Times í dag er talað um að hætta sé á að stríðsástand myndist í framtíðinni þegar menn fari að berjast um lykilauðlindir eins og vatn. Það er því eins gott að við vöndum okkur. Sjá umfjöllun um grein í Times í Viðskiptablaðinu: Vísindamenn óttast að hækkun hitastigs jarðar muni leiða til stríðsátaka (more…)