Um bláa lit lónsins er fjallað á Vísindavef H.Í.: http://visindavefur.hi.is/svar.php?id=4919

Er kreppa tími biðar, hægðar og iðrunar eða öllu heldur eða jafnframt tími áræðni og endurnýjaðrar ábyrgðar? Það er mikið tilhlökkunarefni að sjá í Bláa lóninu -sem í sjálfu sér er sigursælt viðskipta- og heilsudæmi búið til úr umhverfisslysi, forsvarsmenn litlu ríkjanna og stærri norðurlandaríkja ræða um mikilvægi nýsköpunar og ábyrgðar í loftslagsmálum.  (more…)

Hjörleifur Guttormsson náttúruverndarfrumkvöðull og sjálfbærnihugsuður skrifar stórgóða grein í Morgunblaðið í dag um “Gjaldþrota stóriðjustefnu” og afturhvarf til nýlendustefnu. Hann bendir á grein Indriða H. Þorlákssonar, fyrrverandi Ríkisskattstjóra um álver sem fjárhagslega vondan kost og segir að þau orð ættu að vera skyldulesning -sjá grein Indriða, sem var birt á náttura.info í síðustu viku. Og víst er að skrif Hjörleifs sjálfs í gegnum tíðina, studd rannsóknum og þekkingu, ættu að vera skyldulesning í öllum skólum landsins.

Ölfus - kd (http://6000k.net)

(more…)

Bergur gleðst yfir Árósarsamningnum

Bergur Sigurðsson hjá Landvernd skrifar um Árósarsamninginn og þrjár stoðir hans í grein á Smugunni, Árósarsamningurinn fullgiltur. Í batnandi landi er best að lifa, eftir Berg Sigurðsson, en í greininni er hann með tengil yfir á skýrslu unna af umhverfisráðuneytinu um það sem þarf að gera í kjölfar samþykktar.Þessi grein Bergs er mjög góður leiðarvísir um umræðuna um Árósarsamninginn og góð áminning um mikilvægi hans og sögu samþykktar og ekki-samþykktar hans.

(more…)

Nú mega hinar þjóðirnar fara að herða sig !

Í Speglinum, fréttaskýringarþætti Ríkisútvarpsins var frá því sagt í gærkvöldi að Obama Bandaríkjaforseti vilji að Bandaríkin verði forystuafl í baráttunni gegn hlýnun jarðar og ætlar að setja stórfé í þróun nýrrar grænnar tækni. Spegillinn segir frá gjörbreytingu í umhverfismálum frá því sem var í tíð Bush forseta, en einnig frá andstæðum sjónarmiðum í demókrataflokknum eftir því hvort þingmenn eru frá kolaframleiðsluríkjum eða ekki. Hér má hlusta á umfjöllun Spegilisins í gær og meðal annars um hinn græna Arnold Schwarzenegger sem hefur lengi haldið því fram að þurfi að gera hlýnun jarðar að sexý umfjöllunarefni, og svo heyrist í Sveini Helgasyni í Ameríku segir frá andstæðu innan Demókrataflokksins við nýrri umhverfisstefnu Obama.

! Athugið að þegar klikkt er á tengil, á að opnast beint á þessa tilteknu umfjöllun en þá kemur fyrst nokkurra sekúndna skott á umfjöllun um pólitískt ástand Íslands : http://dagskra.ruv.is/ras1/4450866/2009/01/27/3/

Frá Mbl.is 27.01.09.: Barack Obama, Bandaríkjaforseti, boðaði í gær breytt viðhorf Bandaríkjastjórnar í umhverfismálum. (more…)

Mynd af heild. Sýning á verkum Kjarvals sem lengi hafa kúrt í geymslu Listasafns Reykjavíkur

Náttúruverndarsamtök Íslands standa vaktina og benda á nýja tíma í Bandaríkjunum og um heim allan, þar sem saman fara efnahagsaðgerðir og loftslagsráðstafanir. Á tímamótum íslenskra stjórnvalda má gera sér vonir, í fyrsta sinn, um að Íslendingar verði í fararbroddi þessara umbreytingatíma í umhverfismálum, en ekki dragbítar.

Frá Náttúruverndarsamtökunum: Efnahagsaðgerðir stjórnvalda víða um heim bera með sér að ríkisstjórnir vilja einnig ná árangri í umhverfismálum. Þetta hefur BBC eftir Yvo de Boer, yfirmanni Skrifstofu Rammasamnings Sameinuðu þjóðanna um loftslagsbreytingar. Máli sínu til stuðnings bendir hann á áform um að auka fjárfestingar í endurnýjanlegri orku og almenningssamgöngum. Sjá fréttaskýringu BBC
(more…)

Iðnaðarráðherra opnaði í dag nýjan vef um útboð til olíuleitar á Drekasvæðinu við Ísland. Í hádegisfréttum var viðtal við Hjörleif Guttormsson, náttúrufræðing og umhverfisverndarforsprakka, sem einnig birti grein um efnið í Morgunblaðinu í gær. Af orðum Hjörleifs Guttormssonar má skilja að olíuleitin er algjör tímaskekkja:

“Því ber að setja stórt spurningarmerki við þau áform sem iðnaðarráðherra og Samfylkingin nú boða um olíuvinnslu á Drekasvæðinu ef kolvetnaleit ber þar árangur. Framtíðarhagsmunir okkar sem þjóðar felast í verndun norðurslóða fyrir mengun og að hlýnun fari þar ekki úr böndunum. Því ætti Ísland að beita sér fyrir því á alþjóðavettvangi að öll áform um olíu- og gasvinnslu í Norður-Íshafi verði stöðvuð og alþjóðlegt samkomulag verði gert um verndun þessa svæðis í líkingu við það sem í gildi er umhverfis suðurheimskautið.”

Á vef Náttúruverndarsamtaka Íslands er þessi umræða um málið og tenglar á grein Hjörleifs, orð Össurar og loftslagsloforð ríkisstjórnar Íslands: (more…)

Í dag klukkan þrjú í Háskólabíói munu fjölmörg félagasamtök, stjórnmálahreyfingar og fjöldasamtök sameinast undir kjörorðunum: ÞJÓÐARSAMSTAÐA GEGN FJÖLDMORÐUNUM Á GAZA.

Fundarstjóri er Arnar Jónsson leikari og ræður flytja Guðfríður Lilja Grétarsdóttir stjórnmálafræðingur, Jóhanna K. Eyjólfsdóttir framkvæmdastjóri Íslandsdeildar Amnesty International og Kristín Helga Gunnarsdóttir rithöfundur. Össur Skarphéðinsson, starfandi utanríkisráðherra, ávarpar fundinn. Fjölbreytt tónlistardagskrá verður á fundinum: Trio Nordica, Barnakór Kársnes, Hulda Björg Garðarsdóttir, Steinunn Birna Ragnarsdóttir, Lay Low og fleira.

Eftirtaldir hafa nú þegar staðfest aðild að fundinum:
ASÍ, BSRB, Félagið Ísland-Palestína, Frjálslyndi flokkurinn, KÍ, Landssamband sjálfstæðiskvenna, SFR, Samiðn, Samfylkingin, Starfsgreinasambandið og Vinstrihreyfingin – grænt framboð

Fréttatilkynning um áhugaverðan fund Grænu handar Samfylkingarinnar um umhverfismál, hitamál framtíðarinnar:

Græna netið heldur fund um Barack Obama og umhverfismálin laugardaginn 10. janúar á kaffihúsinu Glætunni, Laugavegi 19 (gegnt Máli og menningu). Málshefjendur eru Árni Finnsson, formaður Náttúruverndarsamtaka Íslands, og Karl Blöndal, aðstoðarritstjóri Morgunblaðsins. Fundurinn hefst kl. 11 árdegis. (more…)

Í ljósi frétta kvöldsins um ásókn sumra Íslendinga í fleiri álver, þá er hollt að vita hvað er að gerast á sama tíma úti í heiminum. Hér er frétt frá mbl.is um félagasamtök rafiðnaðarneytanda í Bretlandi þar sem fram kemur að neytendur vilji frekar eignast hlutdeild í grænni tækniþróun og að þeir vilji fá tryggingu fyrir því að það sem þeir kaupa sé ekki afurð mengandi og mannskemmandi ferlis.
Það hversu umhverfisvæn, eða „græn“, raftæki eru mun hafa mikil áhrif á það hvort kaupendur kaupi það eður ei. Þetta kemur fram í nýrri rannsókn sem var birt fyrir raftækjasýninguna CES (Consumer Electronic Show), sem hefst með formlegum hætti á morgun í Las Vegas í Bandaríkjunum. (more…)

Náttúruverndarsamtök Íslands telja niður til þess tíma þegar Obama og hans ráðafólk taka við embættum sínum og byrja að vinna að umbótum m.a. í loftslagsmálum, en Obama réð nóbelsverðlaunahafa í embætti orkumálaráðherra. Þá verður vonandi ekki lengur litið á Bandaríkin sem dragbít á vettvangi umhverfisbaráttu á alþjóðavettvangi, heldur öllu heldur litið til stefnu þeirra sem fyrirmyndar. Á vef náttúruverndarsamtaka Íslands eru þessi orð um tímamótin:

(more…)