Turdus merula og félagar, svartþröstur, söngþröstur og skógarþröstur

Fugl dagsins er Svartþröstur af Fuglavefnum: http://www1.nams.is/fuglar/details.php?val=1&id=63

Um Svartþröst af Vísindavefnum: Svartþröstur (Turdus merula, e. blackbird) er afar algengur víða í Evrópu en nýlegur landnemi á Íslandi. Hér verpir hann meðal annars á innnesjum svo sem í Reykjavík og er talið að varpstofn hans á höfuðborgarsvæðinu sé á bilinu 60 til 100 pör. Hann er meðal annars nokkuð algengur í Laugardalnum og má sjá hann þar allan ársins hring. Eins og við er að búast er svartþrösturinn svartur á lit. Það á þó aðeins við um karlfuglinn, kvenfuglinn er brúnmóleitur. (more…)

Dead Owl. Verk eftir Roni Horn. Myndin var tekin á Melrakkasléttu

Núna nýverið var auglýst eftir umsóknum í nýjan sjóð, Náttúruverndarsjóð, sjá nýtt netfang hans:  http://natturuverndarsjodur.is/ Í fréttatilkynningu frá sjóðnum segir m.a.:

Markmið sjóðsins er að auka almenna þekkingu á íslenskri náttúru svo að umgengni okkar og nýting á verðmætum hennar geti í ríkari mæli einkennst af virðingu og skynsemi. Samhliða er leitast við að bæta tengsl Íslendinga við náttúru landsins og efla með því gott hugarfar, mannlíf og atvinnustarfsemi í sátt við umhverfið.

Markmiði þessu verði náð með því að styrkja verkefni sem fást við sköpun og miðlun þekkingar um náttúruna í víðum skilningi. Farvegurinn getur verið í gegnum listir, hvers kyns fræði og vísindi.

Stjórn sjóðsins skipa Lilja Pálmadóttir formaður, Guðmundur Oddur Magnússon prófessor í Listaháskóla Íslands og Skúli Skúlason rektor Háskólans á Hólum.

Frjó Þjórsá. Mynd frá Náttúrukortinu.is (Jóhann Ísberg)

Á Smugunni í dag er tilkynning frá Sól á Suðurlandi um álversáætlanir og heildarsýn um orkubúskap:

Störf í hættu við Þjórsá
Helguvík tengist Þjórsá

Stóriðjuáform á Suðurnesjum spilla atvinnumöguleikum og störfum á Suðurlandi, að mati samtakanna Sólar á Suðurlandi. Öll orka á suðvesturlandi verði bundin við eitt óvissuálver.

Samtökin treysta því að ríkisstjórnin standi gegn óraunhæfum stóriðjuáformum, eða sýni fram með óyggjandi hætti að störf skapist, en tapist ekki með fjárfestingasamningi við álfyrirtækið Century Aluminium.
Fréttatilkynningin:

Sjónhverfingar í Helguvík

(more…)

Átkasverkefni Auðlindar (audlind.org) er um votlönd á Íslandi, um lungu landsins

Á fréttavefnum Norden segir frá minnkandi líffræðilegum fjölbreytileika á Norðurlöndum samkvæmt rannsókn sem sýnir afturför í öllum norrænu ríkjunum, hvað náttúruvernd varðar. Engjum og mýrum fækkandi, fuglum og hlutfalli gamalla trjáa í skógum. Niðurstaða skýrslunnar er að aðgerða sé þörf og einnig endurskoðun á náttúruvernd á Norðurlöndum ef takast á að snúa þróuninnni við og uppfylla alþjóðleg markmið:

Líffræðilegur fjölbreytileiki á í vök að verjast á Norðurlöndum. Svæði með verðmætri náttúru hafa minnkað samhliða því að landbúnaður, samgöngukerfi og byggð breiða úr sér. Þetta eru niðurstöður nýrrar skýrslu sem Norræna ráðherranefndin hefur látið gera.

- Í skýrslunni er bent á að dregið hafi hratt úr líffræðilegum fjölbreytileika á Norðurlöndum síðan 1990. Þessi óheillaþróun hefur jafnframt í för með sér að Norðurlönd ná varla alþjóðlegum markmiðum um að stöðva rýrnun líffræðilegs fjölbreytileika fyrir árið 2010, segir Bo Normander verkefnastjóri við dönsku Umhverfisrannsóknastofnunina við Árósaháskóla. (more…)

Heimildarmynd Charlie Lightening NÁTTÚRA sem kom út í Bandaríkjunum og sem við sögðum frá á vefnum í gær, verður fáanleg hér á landi fljótlega, en þangað til er hér örstutt brot úr myndinni til gamans, sýnt með góðfúslegu leyfi:

Náttúra Sumar 2008

Bergur gleðst yfir Árósarsamningnum

Bergur Sigurðsson hjá Landvernd skrifar um Árósarsamninginn og þrjár stoðir hans í grein á Smugunni, Árósarsamningurinn fullgiltur. Í batnandi landi er best að lifa, eftir Berg Sigurðsson, en í greininni er hann með tengil yfir á skýrslu unna af umhverfisráðuneytinu um það sem þarf að gera í kjölfar samþykktar.Þessi grein Bergs er mjög góður leiðarvísir um umræðuna um Árósarsamninginn og góð áminning um mikilvægi hans og sögu samþykktar og ekki-samþykktar hans.

(more…)

Á vef hollenska útvarpsins birtist grein um Neista og náttúruverndarbaráttu Bjarkar með hljóðdæmum:

http://www.radionetherlands.nl/currentaffairs/region/europe/090213-bjork-iceland

Dettifoss

Tillaga að náttúruverndaráætlun 2009-2013 verður til umfjöllunar á 11. Stefnumóti umhverfisráðuneytisins og Stofnunar Sæmundar fróða um sjálfbæra þróun. Á fundinum mun Sigurður Á. Þráinsson úr umhverfisráðuneytinu fjalla um áherslur í áætluninni og dr. Hilmar J. Malmquist fjallar um náttúruverndaráætlun 2009-2013, kosti hennar, galla og efndir.

Fundurinn fer fram í fundarsal Þjóðminjasafnsins miðvikudaginn 4. febrúar kl. 12:00 til 13:30.    Allir velkomnir!

Kyrra úr kvikmyndinni Tetralogia/Norður / eftir Gabríelu Friðriksdóttur

Landvernd sendi Umhverfisnefnd nefndarsviðs Alþingis bréf, dagsett 16. janúar 2009, með umsögn um tillögu til þingsályktunar um náttúruverndaráætlun. Í ljósi stjórnarskipta má nú vænta lífvænlegri umræðu um umhverfismálin, með betri eftirfylgni og meiri heildarsýn og þekkingu.  Sjá bréfið hér að neðan og á síðu Landverndar.

Landvernd fagnar framkominni tillögu til þingsályktunar þar sem lagt er til að unnið verði að friðlýsingu þrettán svæða á næstu fimm árum. Ástæða er til þess að fagna sérstaklega þeirri tillögu að Langisjór og nágrenni hljóti friðun og verði látinn tilheyra Vatnajökulsþjóðgarði.

Eitt af aðalmarkmiðum tillögunnar er að standa vörð um líffræðilega fjölbreytni og uppfylla skuldbindingar alþjóðasamningsins um líffræðilega fjölbreytni og Bernarsamningsins um verndun villtra dýra og plantna. Þessar skuldbindingar Íslendinga á alþjóðavettvangi eru mjög mikilvægar enda er líffræðilegur fjölbreytileiki veraldarinnar almennt í hættu vegna mikillar fólksfjölgunar, ágangs mannsins og eyðileggingar náttúrulegra vistkerfa um heim allan. Íslendingar verða að standa vörð um það lífríki sem er hér á landi og er það fagnaðarefni að í þingsályktunartillögu þessari er bæði kveðið á um vernd einstakra tegunda, vistgerða og heillra vistkerfa.
(more…)

Hið káta andóf á Austurvelli, með blysum, söng, trommuleik á húðir og á eldhúsáhöld og bjöllur, með dansi og ítrekaðri bón um að ríkisstjórnin segi af sér -að það megi ekki enda í ofbeldi, það er ósk dagsins. Og að það hafi áhrif.