Nattura.info is a desire for a renewal in discussion and debate on Icelandic resources; a desire for bridges between different spheres of knowledge, news, composition and productive ideas on self-sustainable evolution, on cluster of start-up companies and other ways than heavy industry
“Við erum hreyfing fólks af fjömörgum þjóðernum, sem ætlar ekki að standa hjá og horfa á íslensku ríkisstjórnina eyðileggja íslenska náttúru í samvinnu við erlend stórfyrirtæki. Íslenskir umhverfissinnar þurfa nauðsynlega á utanaðkomandi hjálp að halda til þess að hrekja á brott þessa ógn.”
Sjá nánar á www.savingiceland.org
Hvað er Framtíðarlandið?
Framtíðarlandið – félag áhugafólks um framtíð Íslands var stofnað 17. júní 2006 á fjölmennum fundi í Austurbæ. Frumkvæðið kemur frá einstaklingum af ólíkum sviðum þjóðlífsins sem telja að þörf sé fyrir afl sem upplýsir, gagnrýnir og leggur til hugmyndir að nýrri framtíðarsýn á Íslandi og að nauðsyn beri til að efla lýðræði og lýðræðislega umræðu – og grundvallarþætti samfélagsins: réttlæti, menntun og skapandi atvinnustefnu.
Hvað vill Framtíðarlandið?
Skrifað af Viðari Þorsteinssyni, 15. Jan. 07
Framtíðarlandið vill vera vettvangur frjórra hugmynda um virkjun mannauðs og hugmyndaríkra einstaklinga. Félagið vill jákvæða, skapandi atvinnustefnu í mannvænu, vistvænu, og lýðræðislegu andrúmslofti; kvikan og frjóan jarðveg þar sem frumkvöðlar og sprotafyrirtæki dafna, þar sem snjallar viðskiptahugmyndir fá að njóta sín og þar sem einstaklingurinn og samfélagið er skapandi. Framtíðarlandið vill standa vörð um náttúru landsins og víðerni.
Við trúum því jafnframt að með því að snúa blaðinu við geti Íslendingar skipað sér í röð þeirra þjóða sem ná bestum árangri í umhverfisvernd. Það samrýmist sterkri ímynd vörumerkisins Íslands og í því felast fjölmargir möguleikar.
Sjá nánar: http://framtidarlandid.is/
Náttúrukortið er kort af Íslandi sem gefur yfirsýn yfir þau svæði sem sem hafa verið nýtt eða fyrirhugað er að nýta til orkuframleiðslu eða raska á annan hátt. Á kortinu kemur fram hvar í “virkjunarferlinu” fyrirhuguð virkjunarsvæði eru, það er að segja hvort framkvæmdir séu hafnar, hvort svæðið sé “í sigtinu” fyrir raforkuframleiðslu eða hvort svæðið sé óraskað.
Auk ljósmynda af hverju svæði um sig eru veittar ítarlegar náttúrufarsupplýsingar. Sum þessara svæða eru þegar horfin, önnur langt gengin og enn önnur eru í hættu vegna áforma um raforkuframleiðslu eða stóriðju.
Náttúrukortið, með greinargóðum lýsingum á náttúrufari hvers staðar og mögnuðum ljósmyndum, er orðið að veruleika vegna framlags fræðimanna, ljósmyndara og listamanna.
Þau svæði sem merkt eru á kortinu eru svæði sem eru undir í rammaáætlun um nýtingu vatnsafls og jarðvarma auk núverandi virkjana aflmeiri en 7,5 MW.
Tilgangur kortsins er að vera fræðandi og upplýsandi miðill um virkjunaráform á Íslandi.
Að Náttúrukortinu stendur Framtíðarlandið, félag áhugafólks um framtíð Íslands. Kortið verður í stöðugri endurskoðun og verður uppfært reglulega. Það verður tryggt að viðeigandi upplýsingar verði ávallt aðgengilegar. Framtíðarlandið mun sjá til þess að kortið verði virkur miðill og upplýsingaveita.
Sjá nánar: http://natturukortid.is/
Björk Guðmundsdóttir svarar grein Jakobs Björnssonar. Greinin birtist 30. ágúst í Morgunblaðinu og Jakob svaraði henni síðan með grein í sama blaði 2. sept, sjá næstu færslu.
Í greininni þinni talar þú um álneyslu mína eins og ég sé að stelast, eins og náttúruunnendur á Íslandi séu oggu mikið lopapeysulið sem vilji helst búa í torfhúsum og ekki hafa eina einustu uppfinningu mannkynsins í kringum sig. Jæja, þarna náðir þú mér alveg vitlaust inn! Ég er nefnilega mesti aðdáandi Nýjasta tækni og vísindi “ever” og hélt meira upp á Örnólf Thorlacius sem barn en nokkra poppstjörnu. Ef Jakob hefur hlustað á eitthvað af tónlistinni minni eða séð eitthvað af tónleikunum mínum þá hefur hann fljótlega komast að því að ég er algerlega tækjasjúk. Með nýjungagjarnari manneskjum sem ég hef hitt. Helmingur hljóðfæranna er búinn til úr alls kyns málmum og helmingur hljóðanna ekki “akústísk”. Ég og Jakob gætum áreiðanlega, yfir góðri flösku af sérríi, hlustað á fögur teknó-hljóð, annaðhvort af illfáanlegum álgeisladiskum eða bara setið við sumar virkjanirnar sem Jakob stóð fyrir að byggja sem fyrrverandi orkumálastjóri og dáðst að þeim anda! (more…)
Andri Snær Magnason skrifar inn í deilu Jakobs Björnssonar fyrrverandi orkumálastjórar og Bjarkar Guðmundsdóttur um stóriðjutefnu og fleiri álver, en deilan fór fram á síðum Morgunblaðsins í sumar og á hana var minnst í ristjórnargrein.
Eftir að hafa fylgst með þessari umræðu í nokkur ár er ekki laust við að manni fallist hendur.
Getur ritstjórn Morgunblaðsins útskýrt fyrir lesendum hvenær skuldin við iðnaðinn er greidd?
Morgunblaðið birti ritstjórnargrein þann 19. ágúst þar sem orðið ,,hræsni” kemur fyrir í fyrirsögn ásamt mynd af söngkonunni Björk. Orðrétt segir: ,,Björk sé á móti álverum. Samt byggist vinna hennar meðal annars á því að ferðast á milli landa með flugvélum, sem eru smíðaðar úr áli, og syngja fyrir fólk. Það eru ekki bara flugvélarnar sem eru smíðaðar úr áli heldur einnig geisladiskarnir sem Björk setur tónlist sína á og selur í bílförmum um allan heim.” Klykkt er út með eftirfarandi áminningu: ,,Eru allir andstæðingar álvera samkvæmir sjálfum sér?” (more…)
Þóra Ellen Þórhallsdóttir ræðir, prófessor við HÍ
Fleiri myndbönd eru á youtube/natturaisland