Steindór Andersen kvæðamaður krunkar við Jónsa í Sigurrós

Umræðuvettvangurinn Spegill fortíðar- silfur framtíðar kynnir tvær uppákomur, aðra í kvöld í Reykjavík, hina á Norðfirði á laugardaginn. Í kvöld mun Ágúst Georgsson, fagstjóri Þjóðháttasafnsins halda fyrirlesturinn : Fiskurinn hefur fögur hljóð – fiskveiðar, bátar og veiðafæri frá öndverðu til loka 19.aldar. Síðan mun Steindór Andersen kveða við haf og strönd. Það er hátíð í hvert sinn sem Steindór kveður og tilefni til að leggja leið sína í Sjóminjasafn Reykjavíkur, Víkinni við Grandagarð 8 í Reykjavík. Í kvöld, fimmtudagskvöld, klukkan átta. Allir velkomnir, kaffi á könnu og opið fjörlegum umræðum.

Í Egilsbúð á Norðfirði á laugardaginn hefst síðan mjög metnaðarfull dagskrá Spegilsins þar sem m.a. er velt fyrir sér sögu vitans og því hvað Austfirðingar eiga:

Dagskrá:
Kl. 12:30 Setning málþings
Kl. 12:40 Vitar og nýsköpun- hvernig nýta grannþjóðir okkar vita og
strandmenningu? Sigurbjörg Árnadóttir, formaður Íslenska vitafélagsins
Kl. 13:10 Saga vitans á Austfjörðum. Kristján Sveinsson, sagnfræðingur hjá
Siglingastofnun
Kl. 13:00 Hvað eiga Austfirðingar? Hjörleifur Guttormsson, náttúrufræðingur (more…)

Hliðstæð baðsvæði: heit og köld með útsýni. Sjá sundlaugar.is

Á vefnum Talknafjordur.is segir frá uppgangi á staðnum: Dýrfiskur ehf. byrjar seiðaeldi í Tálknafirði. Í liðinni viku voru flutt voru flutt 250 þús. seiði af regnboga í fiskeldisstöðina í Botni í Tálknafirði. Fyrirtækið hefur tekið eldsstöðina á leigu og mun á næstu mánuðum auka starfsemina í Botni.  Seiðin verða  síðan flutt í sjóeldiskvíar í Dýrafirði næsta sumar. Starfsemin í Tálknafirði mun skapa 1-2 stöðugildi fyrst í stað, en áætlanir eru um að byggja upp rekstrarhæfa einingu sem mun skapa 20-30 stöðugildi, segir Jónatan Þórðarson sem veitir starfseminni forstöðu.

Á vefnum kemur líka fram að meginuppistaðan í atvinnulífinu á Tálknafirði hafi verið fiskvinnsla og er enn. “Mikill fjöldi smábáta kemur til Tálknafjarðar á hverju sumri. Fjölbreytnin í atvinnulífinu er þó stöðugt að aukast og er mestur vöxtur í ferðamannaiðnaðinum. Tálknafjörður er þátttakandi í Fjord Fishing verkefninu sem notið hefur mikilla vinsælda. Auk þess eru á staðnum öflug trésmiðja og bleikjueldi.”

Erla Björk, sjávarrannsóknasetrinu Vör, sem er spennandi rannsóknarstofnun. Erla Björk var þátttakandi í samræðu Neista á vegum Náttúra.info, H.R. og Bjarkar.

Mánudaginn 23. febrúar kl.15 flytur Erla Björk Örnólfsdóttir erindi í Ásgarði á Hvanneyri. Erindið nefnist Vör – Sjávarrannsóknasetur við Breiðafjörð – Starfsemi og stefna. Vör er sjálfseignarstofnun sem vinnur að rannsóknum á lífríki Breiðafjarðar. Rannsóknasetrið var stofnað 12. maí 2006 og er því að verða þriggja ára. Í erindinu verður stuttlega gerð grein fyrir starfsemi setursins. Greint verður frá þeim rannsóknarverkefnum sem unnið er að, m.a. á svifþörungum og dýrasvifi. Fjallað verður um þá anga starfseminnar sem tengjast þekkingarmiðlun og hlutverk setursins.
(more…)

Frumkvöðull

Ný sjónvarpsþáttaröð á Ínn tv um íslenska frumkvöðla. Hér er slóð á þættina: http://inntv.is/Horfaáþætti/Frumkvöðlar/tabid/655/Default.aspx

Umsjónarkona er Elínóra Inga Sigurðardóttir, sem sjálf er frumkvöðull og var formaður frumkvöðla og uppfinningamanna 1998-2007 en stofnaði þá KVENN, félag kvenna í nýsköpun, sjá http://nattura.info/article/kvenn-tengslanet/

Elínóra býr yfir mikilli þekkingu og reynslu á málefnum nýsköpunar hérlendis og erlendis og þeir sem vilja nánari upplýsingar eða vilja bjóða sig fram í þættina eru hvattir til þess að hafa samband við hana í gegnum uppfinning@gmail.com

Björk kynnir Kalda í lok góðs vinnufundar um nýsköpun og sjálfbærni í október 2008. Mynd: Morgunblaðið.

Nýsköpun er eitt af þeim orðum sem hressir aðeins kreppuna, sjá umræðu um gildi nýsköpunar hér að neðan. Í Fréttablaði dagsins er lítill kálfur sem ber nafnið Nýsköpun og þar má finna góðar fréttir af ýmsum sprotum sem eru Nátturu.info kunnugir; (more…)

Margar taugafrumur saman. Minnisrannsóknir. Af vísindavef H.Í.

Í dag kynnti Tækniþróunarsjóður starfsemi sína í Ráðhúsi Reykjavíkur. Össur Skarphéðinsson iðnaðarráðherra hélt tölu og Sigurður Björnsson starfsmaður sjóðsins kynnti nokkur sprotafyrirtæki sem sjóðurinn hefur styrkt í gegnum árin. Össur minnti á að Valgerður Sverrisdóttir hefði komið þessum sjóð á fót fyrir fimm árum og væri það vel gert af henni. Hann vildi styrkja hann áfram, enda liti hann á sig sem sprotamálaráðherra, og dreymdi að vísu líka um að verða olíumálaráðherra. Hann fór yfir stöðu mála á Íslandi og ræddi um að menning og náttúra væru undirstaða ferðamála. Hann minntist ekkert á samninga um álver. En hann færði þrjár góðar nýsköpunarfréttir. Í fyrsta lagi að nú væri búið að reisa við nýsköpunarsjóðinn Frumtak og að Eggert Classen myndi stjórna honum áfram. (more…)

Á nýju ári virðist vera uppgangur í tækniþróun, nýsköpun og sprotavexti á Íslandi. Og vonandi að sjálfbærnin og fjölbreytileikinn séu leiðarljós, því án þess má nú víst sprotavöxturinn sín lítils í uppbyggingu Íslands. Nýsköpun og sprotavöxtur verður að vera hluti af heildrænum endurbótum, ábyrgum og lífvænlega grænum. Ef við styrkjum skapandi tækniþróun og fjölbreytilegan sprotavöxt, hverja einstaka nýsköpunartilraun í alvörunni, og ef við á sama tíma og um leið gleymum ekki skilyrðunum og tengslunum við aðra þætti uppvaxtar á Íslandi í sjálfbærri þróun, við ábyrga og græna viðskiptahætti, þá gæti leið okkar upp úr erfiðleikunum verið til eftirbreytni og árangur okkar leiðarljós.

Fréttatilkynning frá Rannís: Össur Skarphéðinsson iðnaðarráðherra kynnir nýjar áherslur Tækniþróunarsjóðs við opnun kynningar á starfsemi sprotafyrirtækja í Ráðhúsi Reykjavíkur föstudaginn 9. janúar kl. 14:00.

Almenningur er hvattur til að kynna sér starfsemi sprotafyrirtækja og opinberan
stuðning við nýsköpun. (more…)