Nýskapað lamb. Mynd af ferðavef Vestfjarða: westfjords.is

Í Skessuhorninu og á vef Atvinnuþróunarfélags Vestfjarða eru orð sem loga af áræðni. Í kreppunni leita menn nú nýrra leiða, skapandi leiða í vöruþróun og ferðaþjónustu, skelrækt og fiskvinnslu og menn leita sér í meira mæli faglegrar ráðgjafar um ferlið frá frumraun til framleiðslu.

Í Skessuhorninu um daginn var viðtal við Ólaf Sveinsson forstöðumann Atvinnuráðgjafar Vesturlands sem segir að sér komi á óvart allur sá fjöldi hugmynda sem nú er dreginn fram í dagsljósið, eins og áður hafi ekki gefist tóm til að gaumgæfa fjölbreytileikann: “Þegar illa árar þá virkjast nýsköpunarkrafturinn í Íslendingum. Það hafa dæmin sannað og núna er það strax farið að koma í ljós,” segir Ólafur Sveinsson, (more…)

Á vef vísis var hressandi frétt um Grindavík sem ætti að gleðja dýravini, safnavini, sprotavini og vini smábæjanna:

Til stendur að setja upp veglegt skrautfiskasafn í Grindavík að því er fram kemur á vef sveitarfélagsins. Á grindavik.is er haft eftir Guðmundi J. Sigurgeirssyni að hann sé að flytja til Grindavíkur og sé jafnframt að leita að hentugu húsnæði undir skrautfiskasafn sem hann hafi mikinn áhuga á að koma á laggirnar. (more…)

Steindór Andersen kvæðamaður krunkar við Jónsa í Sigurrós

Umræðuvettvangurinn Spegill fortíðar- silfur framtíðar kynnir tvær uppákomur, aðra í kvöld í Reykjavík, hina á Norðfirði á laugardaginn. Í kvöld mun Ágúst Georgsson, fagstjóri Þjóðháttasafnsins halda fyrirlesturinn : Fiskurinn hefur fögur hljóð – fiskveiðar, bátar og veiðafæri frá öndverðu til loka 19.aldar. Síðan mun Steindór Andersen kveða við haf og strönd. Það er hátíð í hvert sinn sem Steindór kveður og tilefni til að leggja leið sína í Sjóminjasafn Reykjavíkur, Víkinni við Grandagarð 8 í Reykjavík. Í kvöld, fimmtudagskvöld, klukkan átta. Allir velkomnir, kaffi á könnu og opið fjörlegum umræðum.

Í Egilsbúð á Norðfirði á laugardaginn hefst síðan mjög metnaðarfull dagskrá Spegilsins þar sem m.a. er velt fyrir sér sögu vitans og því hvað Austfirðingar eiga:

Dagskrá:
Kl. 12:30 Setning málþings
Kl. 12:40 Vitar og nýsköpun- hvernig nýta grannþjóðir okkar vita og
strandmenningu? Sigurbjörg Árnadóttir, formaður Íslenska vitafélagsins
Kl. 13:10 Saga vitans á Austfjörðum. Kristján Sveinsson, sagnfræðingur hjá
Siglingastofnun
Kl. 13:00 Hvað eiga Austfirðingar? Hjörleifur Guttormsson, náttúrufræðingur (more…)

Hliðstæð baðsvæði: heit og köld með útsýni. Sjá sundlaugar.is

Á vefnum Talknafjordur.is segir frá uppgangi á staðnum: Dýrfiskur ehf. byrjar seiðaeldi í Tálknafirði. Í liðinni viku voru flutt voru flutt 250 þús. seiði af regnboga í fiskeldisstöðina í Botni í Tálknafirði. Fyrirtækið hefur tekið eldsstöðina á leigu og mun á næstu mánuðum auka starfsemina í Botni.  Seiðin verða  síðan flutt í sjóeldiskvíar í Dýrafirði næsta sumar. Starfsemin í Tálknafirði mun skapa 1-2 stöðugildi fyrst í stað, en áætlanir eru um að byggja upp rekstrarhæfa einingu sem mun skapa 20-30 stöðugildi, segir Jónatan Þórðarson sem veitir starfseminni forstöðu.

Á vefnum kemur líka fram að meginuppistaðan í atvinnulífinu á Tálknafirði hafi verið fiskvinnsla og er enn. “Mikill fjöldi smábáta kemur til Tálknafjarðar á hverju sumri. Fjölbreytnin í atvinnulífinu er þó stöðugt að aukast og er mestur vöxtur í ferðamannaiðnaðinum. Tálknafjörður er þátttakandi í Fjord Fishing verkefninu sem notið hefur mikilla vinsælda. Auk þess eru á staðnum öflug trésmiðja og bleikjueldi.”

Erla Björk, sjávarrannsóknasetrinu Vör, sem er spennandi rannsóknarstofnun. Erla Björk var þátttakandi í samræðu Neista á vegum Náttúra.info, H.R. og Bjarkar.

Mánudaginn 23. febrúar kl.15 flytur Erla Björk Örnólfsdóttir erindi í Ásgarði á Hvanneyri. Erindið nefnist Vör – Sjávarrannsóknasetur við Breiðafjörð – Starfsemi og stefna. Vör er sjálfseignarstofnun sem vinnur að rannsóknum á lífríki Breiðafjarðar. Rannsóknasetrið var stofnað 12. maí 2006 og er því að verða þriggja ára. Í erindinu verður stuttlega gerð grein fyrir starfsemi setursins. Greint verður frá þeim rannsóknarverkefnum sem unnið er að, m.a. á svifþörungum og dýrasvifi. Fjallað verður um þá anga starfseminnar sem tengjast þekkingarmiðlun og hlutverk setursins.
(more…)

Í kvöld opnar sýning Fuglaverndarfélags Íslands á fuglamyndum eftir ýmsa góða ljósmyndara og í lofti verða fuglahljóð af stórkostlegum safndisk sem Ríkisútvarpið bjó til með hljóum Fugla dagsins.  Sýningin er liður í Vetrarhátíð/Safnanótt og er opin á milli átta og tíu og svo aftur á milli eitt og fimm á laugardag og þá er líka leiðsögn kl. tvö: Einar Ó. Þorleifsson og Jakob Sigurðsson. Sýningin er í Safnaðarheimili Dómkirkjunnar.Sýningin verður í framhaldinu sett upp í Norræna húsinu, mánudaginn 16. febrúar og verður þar til 13. mars.

Mynd: Óskar Andri, álftir að vetri

Kristinn R. Þórissin, hugmyndasmiður rannsóknarinnar. Hann var einn ágætra þátttakenda á vinnufundum Neista í haust. Mynd: mbl.is

Tölvunarfræðideild Háskólans í Reykjavík hefur verið úthlutað tveggja milljóna evra, 292 milljónir íslenskra króna miðað við gengi evru í dag, styrk úr 7. rammaáætlun Evrópusambandsins til gervigreindarrannsókna. Þetta er langhæsti styrkur veittur íslenskum aðilum til rannsókna í tölvunarfræðum og jafnframt hæsti rannsóknarstyrkur sem veittur hefur verið vísindamönnum við HR. (more…)

Styrkir til að byggja brýr, á milli Norðurlanda og í kollunum okkar. Brúin yfir Jökulsá á Fjöllum, bylting síns tíma.

Byggðastofnun auglýsir verkefnastyrki NORA, verkefnastyrki Norrænu Atlantsnefndarinnar 2009 um samstarf á Norður-Atlantssvæðinu, en næsti umsóknarfrestur er mánudagurinn 2. mars.

Frá vef Byggðastofnunar: Norræna Atlantsnefndin (NORA) styrkir samstarfsverkefni á Norður-Atlantssvæðinu í þeim tilgangi að byggja uppsterkt norrænt svæði og efla sjálfbæra þróun. Ein af leiðunum að þessu markmiði er að veita styrki tvisvar á ári til samstarfsverkefna. Þátttakendur skulu vera frá a.m.k tveimur af fjórum NORA-löndum (Íslandi, Grænlandi, Færeyjum og strandsvæðum Noregs).

Hér með er auglýst eftir umsóknum og er þetta fyrri umsóknarfrestur árið 2009.

Sækja má um styrki til verkefna sem falla undir eftirtalin megin áherslusvið NORA: Auðlindir sjávar-Ferðaþjónusta-Upplýsingatækni-Samgöngur-Samstarf milli þjóða-Nýsköpun (more…)