Í dag á milli klukkan 9.30 og 12.30 er í Norræna Húsinu ráðstefna um tísku og sjálfbærni, með þátttöku Kristínar Völu Ragnarsdóttur, nýja forseta verk- og náttúrufræðisviðs Háskólans en hún er sérfræðingur í sjálfbærri þróun, með Ann Thorpe, sem við kynntum í gær, sem skrifaði sjálfbærniatlasinn, og Karin Stenmar, einn af stofnendum Dem Collective og Malin Eriksson, einn stofnenda Hreinna Klæða. Ráðstefnan er á dagskrá Norræna tískutvíæringsins

Tíska snýst ekki einungis um ytra útlit, gæði né verðmiða. Tískuiðnaðurinn er einn mengaðasti iðnaðurinn í heiminum í dag. Hönnuðir og framleiðendur þurfa því að horfast í augu við samfélagslega ábyrgð sína í framleiðsluferlinu. Svo tískuhönnun geti talist sjálfbær þarf að taka tillit til margra þátta s.s. sanngjarnra viðskiptahátta, lífræns fatnaðar, dýraverndar og þróun textíls.

Þeir fyrirlesarar sem taka þátt í ráðstefnunni eru sérfræðingar á sínu sviði og munu varpa ljósi á margvíslegar hliðar er snerta sjálfbæra fataframleiðslu og hönnun. (meira …)

Hönnunardagar í Reykjavík verða dagana 26-29 mars, þessir dagar hafa hlotið nafnið Hönnunarmars eða e: Design March, sjá vef Hönnunarmiðstöðvarinnar

Hönnunarmiðstöð stendur í fyrsta sinn í ár fyrir hönnunardögum undir heitinu HönnunarMars sem mun verða árlegur viðburður. Dagskrá fyrsta HönnunarMarsins er glæsileg og eru yfir 150 viðburðir í boði af eins fjölbreyttum toga og víðfeðmi hönnunar gefur tilefni til. (meira …)

Í dag klukkan tólf til eitt heldur Anne Thorpe fyrirlestur um hönnun sem aðgerð (pólitísk aðgerð?).

Anne hefur rannsakað þróun sjálfbærra sjónarmiða í hönnun og beitingu hönnunar í uppbyggilegar aðgerðir seinna ára og skrifað bók um efnið, The Designer’s Atlas of Sustainability. Hún kennir við arkitektúrskólann Bartlett við University College of London og Open University í Bretlandi. Anne er á Íslandi í tilefni af Norræna tískutvíæringurinn í Norræna húsinu. The Designer’s Atlas of Sustainability : http://www.designers-atlas.net blog: http://designactivism.net

Fyrirlesturinn er haldinn í Opna Listaháskólanum, að Skipholti 1, stofu 113. Aðgangur er opinn öllum og ókeypis.

Norræni tískutvíæringurinn hefst í dag. Um er að ræða samstarf tísku- og hönnunargeira Íslands, Færeyja og Grænlands.

Mikið verður um dýrðir og í dag ríður Karl Aspelund á vaðið með fyrirlestur á ensku: Hvað þarf að kenna, hvað þurfum við að læra varðandi sjálfbærni í fatahönnun og klæðaburði. Fyrirlesturinn er klukkan 12-13 í Norræna Húsinu, aðgangur opinn og ókeypis.

Í dag klukkan 17.00 heldur svo Kristine Jensen landslagsarkitekt fyrirlestur um að fanga anda staðar í hönnun, einnig í Norræna húsinu.

Nánar um hátíðina á: http://nordicfashionbiennale.com og  á vef Hönnunarmiðstöðvar Íslands (meira …)

Lífhermun er tækni sem fær næringu sína frá náttúruvirkni til að þróa nýja verkfræðilegar lausnir og iðnhönnun sem hermir eftir hönnun náttúrunnar. Lykilorð í þessu fagi og umræðu um það eru þessi: að herma eftir náttúrunni, módel, hönnun, vistfræðilegur grunnur, framleiðsluvara, ferli, svörunarkerfi, sjálfbærni, vistfræðileg viðmið, náttúruhönnun, líffræðileg hönnun, umhverfisleg sjálfbærni, iðhönnun, efnahagur, viðskipti, tækni, græn efnafræði. Sjá ensk orð og vídeo um lífhermun á http://www.wiserearth.org/aof/22
Sjá einnig:
Biomimetics Network for Industrial Sustainability promotes the application of Biomimetics (Design Inspired by Nature) in products and services and its use in education and training.
Biomimicry Institute naturalizes biomimicry in the culture by promoting the transfer of ideas, designs, and strategies from biology to sustainable human systems design.

myndskreyting Peter Durand við metsölubók Janine Benyus um lífhermun: The New Naturalism

Lífhermun (biomimicry (orðsifjafræðilega frá gríska orðinu bios sem þýðir líf og gríska orðinu mimesis sem merkir að herma) er nýtt og spennandi áhugasvið og háskólafag sem hefur að markmiði að rannsaka leiðir náttúrunnar og hvernig megi herma eftir þeim til að finna lausnir á ýmsum skipulags- og samskiptavanda menningar okkar, með hönnun og verkfræðiferlum og á öðrum lausnarmiðuðum sviðum. Sjá ágætis upplýsingar um þetta fag á vef Lífhermunarstofnunarinnar, sem eru óháð samtök og á þeim vef má líka nálgast gagnagrunninn Ask Nature sem virðist vera nokku spennandi tæki og leifang: http://www.biomimicryinstitute.org/

(meira …)