Jón Þórisson teiknar upp aðalatriði Magma-málsins fyrir blaðamenn. Mynd: Lára Hanna

Á blaðamannafundi þar sem undirskriftasöfnun á orkuaudlindir.is var kynnt fyrir blaðamönnum, hélt Jón Þórisson, aðstoðarmaður Evu Joly, erindi þar sem hann varpaði ljósi á fréttnæmustu punktana úr ábendingunni sem hann og Björk og Oddný Eir sendu til Umboðsmanns Alþingis varðandi magma-málið. Erindið er brýnt og birtist hér í heil en það má einnig finna á síðu ítarefnis á www.orkuaudlindir.is

Það er mikið í húfi núna, salan á HS Orku til Magma Energy Sweden AB er um það bil að verða að raunveruleika.

Ef ekkert verður að gert þýðir að við afsölum okkur nýtingu mikilvægra auðlinda til  næstu 65 ára og jafnvel 130 ára

Helstu rök þeirra sem hlynntir eru málinu eru þau að við höfum sjálf ekki efni á því að eiga nýtingarréttinn, að nauðsynlegt sé að fá erlenda fjárfestingu inn í landið til þess að stuðla að atvinnuuppbyggingu og að þetta ferli allt sé í samræmi við lög og reglur.

En er það svo?

Við höfum með ábendingu til umboðsmanns Alþingis vakið athygli á að við teljum ástæðu til þess að skoða stjórnsýsluákvarðanir í aðdraganda sölunnar og síðan sjálfan samninginn við Magma Energy Sweden AB.

Það er ljóst að söluferlið  hefur verið mjög ógagnsætt og umdeilt.

Rökstuddur grunur er um að hagsmuna almennings hafi ekki verið gætt  á fullnægjandi hátt og að málsmeðferð stjórnvalda samræmist ekki lögum og vönduðum stjórnsýsluháttum.

Við bendum umboðsmanni Alþingis á að ákvarðanir sem teknar hafa verið í aðdraganda þessa máls eru teknar af stjórnvaldi og stjórnmálamönum sem fá þungan áfellisdóm í rannsóknarskýrslu Alþingis. (more…)

Hvað er fagurfræði? Mynd af wikipediu: Esthétique

Fagurfræði er grein innan heimspeki sem rannsakar tengsl skynfæranna, innsæis og skynjunarinnar við heiminn og við aðra þætti dómgreindar okkar svo sem rökhugsun og dómgreind… eða eitthvað í þá átt…

Stefán Snævarr, prófessor í heimspeki við háskólann í Lillehammer í Noregi, flytur fyrirlestur á vegum Heimspekistofnunar og Félags áhugamanna um heimspeki miðvikudaginn 8. apríl kl. 20 í stofu HT-101 í Háskóla Íslands (Háskólatorgi). Fyrirlesturinn ber heitið „Niður með hugmyndafræði, upp með fagurfræði!“.

Í lestrinum hyggst Stefán færa rök fyrir því að takmarka beri hlutverk hugmyndafræði og hugmyndakerfa í allri stjórnmálaumræðu. Fyrir því færir hann margvísleg rök en einnig fyrir því að hugmyndafræði verði heldur ekki algjörlega úthýst þaðan. Í stað hennar boðar Stefán aukna hlutdeild hins „estetíska“ og sterkra tilfinninga í veröld stjórnmálanna, t.d. réttlætiskenndarinnar. Með því yrði ímyndunaraflinu einnig beitt í auknum mæli til þess að finna góða pólitíska kosti. Skáldskapurinn yrði þá að sama skapi metinn þar að verðleikum í þeim skilningi að hæfileikinn til þess að segja sögur um tiltölulega vel afmarkaða atburði leysti af hólmi öld stórsagnanna sem hugmyndafræðin byggir á. Eins og Stefán kemst að orði: „Skáldskapur og ljóðrænt líkingarmál er oft besta tækið til að varpa ljósi á djúpar og erfiðar tilfinningar, t.d. skelfingu helfararinnar.“

Nánari lýsingu á lestrinum er að finna hér fyrir neðan.

(more…)

Réttlætisgyðjan. Mósaíkmynd sem skýrir Platónskar pælingar um hið nýja ríki

Árósarsamningurinn fjallar meðal annars um aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum,  sjá heimasíðu Árósasamningsins, bækling á ensku um Árósasamninginn. Auk skýrslu nefndar sem var skipuð til að fara yfir efni Árósasamningsins og meta hvaða áhrif hann hefði í för með sér hér á landi. Á vef utanríkisráðuneytisins segir frá starfshópi um undirbúning fullgildingar Árósasamningsins:

Kolbrún Halldórsdóttir umhverfisráðherra hefur skipað starfshóp til að undirbúa fullgildingu Árósasamningsins hér á landi. Verkefni starfshópsins er að gera tillögu um hvernig best sé að tryggja almenningi aðgang að réttlátri málsmeðferð við fullgildingu Árósasamningsins hér á landi. Auk þess er starfshópnum falið að gera tillögu um frekari vinnslu málsins í kjölfarið, þ.e. samningu nauðsynlegra lagafrumvarpa. (more…)

Sjón er nýi formaður Pen á Íslandi

PEN á Íslandi stendur fyrir fundi í dag, sunnudaginn 8. mars, í fyrirlestrarsal Þjóðminjasafnins klukkan 14:00 um ritskoðun/þöggun/sjálfsritskoðun.

PEN á Íslandi er deild í International PEN, alþjóðasamtökum sem berjast fyrir tjáningarfrelsi rithöfunda og framgangi ritmenningar sem lykilafli í friðsömum samskiptum þjóða, samfélagshópa og einstaklinga.

Í umræðum síðustu vikna um „endurreisn Íslands“ hefur það sjónarmið verið áberandi að lykilatriði sé í þeirri endurreisn að lögð verði rækt  við gagnkvæm skoðanaskipti, byggð á hreinskilni og hugrekki, en ýmsir telja að ein höfuðorsök hrunsins sé  skortur á slíkri hefð í okkar unga lýðveldi.

Hefur hér ríkt þögul ritskoðun? Hefur átt sér stað þöggun gagnvart þeim sem hafa haft efasemdir um viðtekin sannindi? Hafa fjölmiðlamenn ástundað sjálfsritskoðun af ótta við eigendur eða voldug hagmunaöfl? Veldur fámennið hér landlægri hlífisemi við kunningja? Búa Íslendingar við skort á lýðræðishefð, umræðuhefð og eðlilegri valddreifingu þegar kemur að því að taka ákvarðanir sem hafa áhrif á líf allra landsmanna? Getur verið að skoðanakúgun hafi viðgengist í öllum greinum þjóðfélagsins?

Framsögumenn verða: dr. Herdís Þorgeirsdóttir, prófessor við Háskólann á Bifröst og Sigmundur Ernir Rúnarsson, rithöfundur og fyrrverandi fréttastjóri 365 miðla.

Í pallborði verða ásamt framsögumönnum: Guðmundur Andri Thorsson, rithöfundur og ritstjóri, Hallgrímur Helgason, rithöfundur og dr. Lára Magnúsardóttir, sagnfræðingur.

Fundarstjóri: Sjón (more…)

Mynd Kjarvals af Almannagjá Þingvalla þar sem fyrsti lýðræðisfundurinn var haldinn og konum drekkt

Á morgun er haldið svokallað lýðræðiskaffi á Háskólatorginu og eru allir velkomnir en beðnir um að skrá þátttöku sína. Mjög mikill sérfræðingur erlendur verður gestur í kaffinu og því búist við mikilli þátttöku, á morgun, fimmtudagk frá klukkan fimm til hálf sjö. Sjá nánar:
LÝÐRÆÐISKAFFI
Samræðufundur um virka þátttöku almennings sem leið til aukins lýðræðis.
Þér er boðið til samræðufundar um þróun lýðræðis á Íslandi í átt til virkari þátttöku almennings og hagsmunaaðila, með sn. “World café” eða Heimskaffi fyrirkomulagi, nk. fimmtudag þann 19. febrúar kl. 17.00-18.30 á jarðhæð Háskólatorgs í Háskóla Íslands. Þátttaka er endurgjaldslaus, en þátttakendur eru beðnir um að skrá sig hér: http://www.stjornsyslustofnun.hi.is/page/lydraediskaffi
Vænst er mikillar aðsóknar og ef stefnir í of mikla þátttöku munum við takmarka fjölda þátttakenda frá hverjum aðila. Við látum alla vita ef til þess kemur. Alls geta tekið þátt 150-200 manns.

Í okkar samfélagi á sér stað mikil umræða um þróun lýðræðis og er kallað eftir því að almenningur geti átt aðkomu að ákvörðunum oftar en í formlegum kosningum.  Markmiðið með fundinum er að beina sjónum að þeim þætti lýðræðis sem snýr að þátttöku almennings og leiða jafnframt saman ólík sjónarmið um virkara lýðræði á Íslandi.

Fyrirkomulag fundarins verður svokallað Heimskaffi eða World Café.  Heimskaffifundur er ólíkur venjulegum fundum að því leyti að hann byggir á samræðu allra þátttakenda í litlum hópum (4-5 manna) og er aðferðin vel fallin til að ná skýrri niðurstöðu með lýðræðislegum hætti.  Rædd verður spurningin „Ef Ísland vildi verða til fyrirmyndar í því að auka þátttöku almennings og hagsmunaaðila í „nýju lýðræði”, hvaða afgerandi skref gætum við stigið?”
Gestur fundarins er Stephani Roy McCallum, frá Kanada, forseti alþjóðlegra fagsamtaka á sviði þátttöku almennings, International Association for Public Participation, IAP2.
Fundurinn verður haldinn í Háskóla Íslands á jarðhæð Háskólatorgs nk. fimmtudag og stendur frá kl. 17.00 – 18.30.  Að Lýðræðiskaffinu standa Stjórnmálafræðideild Háskóla Íslands og Stofnun stjórnsýslufræða og stjórnmála við HÍ, ILDI þjónusta og ráðgjöf, Endurmenntun HÍ og Morgunblaðið.

Náttúruverndarsamtök Íslands fagna ákvörðun ríkisstjórnarinnar um staðfestingu Árósasamningsins sem fjallar um lýðræðisleg réttindi frjálsra félagasamtak og kannski brýnari þörf á komandi tímum þegar Íslendingar hafa lært inn á andófið. Náttúra.info fagnar líka og fær að birta hér bréf Náttúruverndarsamtakanna sem alltaf standa sig á vaktinni um það góða sem gerist og það sem gagnrýna þarf. (more…)

Árni Daníel Júlíusson sagnfræðingur flytur erindið „Andóf í
akademíunni“ þriðjudaginn 3. febrúar kl. 12:05 í fyrirlestrarsal
Þjóðminjasafns Íslands. Erindið er hluti af hádegisfyrirlestraröð
Sagnfræðingafélags Íslands sem ber yfirskriftina Hvað er andóf?
Athugið að dagskrá vormisseris hefur verið breytt. Lára Magnúsardóttir
sem átti að flytja fyrirlestur 3. febrúar flytur erindi sitt 17.
febrúar.

Í lýsingu á erindinu segir:
(more…)

Hið káta andóf á Austurvelli, með blysum, söng, trommuleik á húðir og á eldhúsáhöld og bjöllur, með dansi og ítrekaðri bón um að ríkisstjórnin segi af sér -að það megi ekki enda í ofbeldi, það er ósk dagsins. Og að það hafi áhrif.

Hvað er virkt lýðræði?

Hversu mörg grasrótarfélög, samtök og þrýstihópar eru á Íslandi? Hvaða áhrif hafa þau á stjórnkerfið?