Ugla Mínervu fer á stjá eftir myrkur og við hæfi að stunda heimspeki á kvöldin. Félag áhugamanna um heimspeki blæs til fundar í kvöld, miðvikudagskvöldið 7. janúar kl. 20.00 í stofu HT-101 á Háskólatorgi (Háskóla Íslands). Yfirskrift fundarins er spurningin: Hvaða heimspekilegu spurningar vakna í kjölfar kreppunnar?

Ólafur Páll Jónsson og Páll Skúlason munu ræða eftirfarandi spurningar:

1.     Hvaða gildi þarf að hafa að leiðarljósi við uppbyggingu íslensks samfélags næstu árin?
2.     Hvaða bresti í íslensku samfélagi afhjúpa atburðir haustsins 2008?
3.     Hver eru verkefnin sem þarf að skilgreina fyrir samfélagið í heild?
4.     Hvert sækjum við þekkinguna og kenningarnar til að takast á við þessar spurningar?

Hvað er virkt lýðræði? | Borgaraleg óhlýðni & borgaraleg virkni | Grasrótarfélög á Íslandi | Endurskoðun & Andóf |

Umræða um samræðuhefðina og virkni lýðræðisins á nýjum tímum, og um nauðsynlega sífellda endurskoðun merkingar andófsins

Hér eru þær átta breytingatillögur sem voru unnar á vinnufundum Neista. Björk fór svo upp í Stjórnarráð 12. nóvember og gaf forsætisráðherra tillögurnar í gullnum pakka með íslenska fána-borða.

Vinnufundir Náttúra.info; Neisti, í samvinnu við Klak og Háskólann í Reykjavík, fóru fram þann 12. og 19. október sl. og var fylgt eftir með minni vinnufundum hvers málefnahóps og síðan á sameiginlegum póstlista.

Ég hef verið að fylgjast með þessu ótrúlega upplýsingaflæði og skemmtilegu hugmyndum, en ekki lagt orð í belg. Ég er prófessor við Háskólann á Akureyri í jarðhitafræðum, sá eini á landinu sem ber þann titil, þó ýmsir aðrir háskólamenn starfi við jarðhitarannsóknir. Ég hef lengi haft mikinn áhuga á að nýta jarðhitaauðlindirnar okkar til heilsuferðamennsku, ekki síst umframvarmann sem annars er ónýttur. Ég hef síðustu 15 árin sinnt þessu áhugamáli af og til og tekið þátt í og stýrt allnokkrum verkefnum á þessu sviði. Nú síðast í vor gaf ég út skýrsluna: Jarðhitaauðlindir-tækifæri til atvinnusköpunar á Norðausturlandi með heilsutengdri ferðaþjónustu, á vegum Ferðamálaseturs Íslands og Háskólans á Akureyri (meira …)

Össur Skarphéðinsson mætti á fund hópstjóra vinnufunda Neista í gær til að ræða átta drög að breytingatillögum. Í dag er langur texti inn á heimasíðu hans um allt hans eigið starf, aðgangur frá eyjunni http://eyjan.is/goto/ossur/ Þar er meðal annars að finna þessi orð og spurning hvernig þau hafa áhrif á svefn okkar og drauma, en meðal fundarmanna í gær var einmitt Karl Ægir Karlsson sérfræðingur í svefnrannsóknum :

“Ekki má heldur gleyma algeru nýmæli sem við höfum ákveðið að setja á fót, beinlínis í framhaldi af hugmyndum sem komu úr vinnusmiðju Bjarkarhópsins. Nýmælið eru fjórar markáætlanir, sem Tækniþróunarsjóður kostar, og eiga að leiða til stofnunar öndvegissetra á fjórum sviðum: rannsókna á jarðhita, á sviði arkitektúrs og skipulagshönnunar, ferðaþjónustu einsog fyrr var sagt, og náttúrlega seturs sem einbeitir sér að því þróa innlenda orkugjafa fyrir bílaflotann, meðal annars fyrir tilstyrk orkulíftækni. Þessi vinna gengur vel, og mun fyrr en seinna ýta olíu af markaði af Íslandi sem orkugjafa. Þá getur Árni Finnsson til dæmis sofið rólegur.”

Hér á eftir fara drög að tillögum til breytinga á orkustefnu Íslands, sem gerð var í eldheitri samræðu á vinnufundi Neista 19. október. Umsjón með samræðu og vinnslu útgangspunkta hafði Hlynur Stefánsson, Lektor og sviðsstjóri fjármála- og rekstrarsviðs í tækni- og verkfræðideild H.R

Mikilvægar aðgerðir og markmið í orkumálum á Íslandi

Í hnotskurn: Móta þarf heildar stefnumótun í orkumálum fyrir landið þar sem tekið er tillit til allra þátta sem snerta orkuvinnslu. Skoða þarf markvisst fjölbreyttari nýtingarmöguleika orku. Mikilvægt er að upplýst og ábyrg umræða eigi sér farveg í okkar þjóðfélagi til þess að skýra kosti og hagsmuni þjóðarinnar. Til þess þarf að aflétta upplýsingaduld um forsendur ákvarðanatöku í orkumálum.

1. Leita þarf fleiri leiða til að breyta þeirri orku sem þegar hefur verið virkjuð í verðmæti og fjölbreytt tækifæri fyrir þjóðina (meira …)

Hér er áríðandi erindi Bergs Sigurðssonar sem hann hélt á vinnufundi Náttúra.info og Klaks í H.r. 19. október s.l. hér birt í heild sinni með góðfúslegu leyfi.

Jarðhitinn hefur verið þjóðinni afar dýrmætur og hitaveituvæðing síðustu aldar er án efa ein besta fjárfesting sem íslenskt samfélag hefur nokkru sinni ráðist í. Við Íslendingar erum, og við eigum að vera, stoltir af jarðvarmanum okkar og hvernig við framanaf nýttum hann til samfélagslegra þarfa. En hversu skynsamlegt er að nota jarðvarma til raforkuframleiðslu?

Að undanförnu hafa gengið á hamfarir í þjóðfélaginu. Allt sem áður var hugsað þarf að hugsa upp á nýtt. Sumt fær enn staðist en annað hefur glatað gildi sínu. Atburðir liðinna daga verða ekki aftur teknir og nánast allt þarf nú að skoðast í nýju ljósi. Hrunið varð verra en nokkurn gat órað fyrir en og enn sér ekki fyrir endann á afleiðingunum. Ekki liggur öll sökin hér heima enda um hnattrænan hagkerfisvanda að ræða, en sökum stærðar bankanna í samanburði við þjóðarskútuna varð höggið þyngra hér á landi en annarsstaðar. Allir hljóta að vera sammála um það að stjórnvöldum ber öllum ráðum að tryggja að annað eins og ámóta áfall megi undir engum kringumstæðum eiga sér stað aftur, a.m.k. ekki af mannanna völdum. Því má nefnilega ekki gleyma að atburðir sem dunið hafa á okkur eru af mannavöldum. (meira …)

Í kreppu draga menn upp gamlar skýrslur og vangaveltur til að reyna að átta sig á óreiðukenndu ástandinu. Þessi grein eftir Oddnýju Eir Ævarsdóttur var upphaflega skrifuð til heiðurs Guðbergi Bergssyni sjötugum og gefin út af Háskólaútgáfunni.

“Stundum er raunverulegt neyðarástand, ég ætla ekki að efast um það. En saga Vestrænna lýðræðiskerfa sýnir að leiðirnar sem eru farnar í nafni neyðarástands eru leiðir sem oft liggja í burtu frá grundvallarlögmálum lýðræðisins of þeirra gilda sem við viljum að liggi lífi okkar og samfélagi til grundvallar. Sagan sýnir að “neyðarástand” verður að réttlætingu á hvers kyns leiðum eda úrbótum, þegar engin leið er að dæma um réttmæti pólitísku úrbótanna nema eftir „tilætluðum árangri” þeirra.” (meira …)

Hér eru drög að breytingartillögum gerðum á vinnufundum Neista 12. og 19. október s.l. Umsjón með samræðu og vinnslu útgangspunkta hafði Þorkell Sigurlaugsson, framkvæmdastjóri þróunarsviðs H.R.

Mikilvæg tækifæri og markmið í matvælaframleiðslu Íslands
Í hnotskurn: Matvælaframleiðsla á Íslandi getur orðið mikilvæg stoð undir íslenskt hagkerfi á næstu árum. Framleiðslugeta og þekking er til staðar í matvælageiranum, en aukið samstarf og samráð þarf að eiga sér stað í tengslum við endursköpun framleiðslu- og þekkingarumhverfis og tengsla við aðra geira. Matvælaframleiðsla á Íslandi getur orðið þekkt fyrir gæði, hreinleika, sjálfbærni, lífræna framleiðslu, rekjanleika (uppruna), frumleika og gott siðgæði. Tækifæri Íslendinga í matvælaframleiðslu liggja helst á sviðum sjávarfangs, jarðhitaræktaðs grænmetis og ávaxta, lambakjöts auk annarrar gæða framleiðslu kjöts, sérstæðra mjólkurafurða og jurtalyfja. Matvælaiðnaður er sjálfbær grein sem getur verið lykill í því að byggja upp sjálfbært samfélag á Íslandi (meira …)