Enn vekur það athygli erlendis að Björk skyldi ljá sprota-sjóði nafn sitt til þess að leggja lið atvinnugrósku á Íslandi til höfuðs einhliða stóriðju. Hér eru tvær greinar um þennan sjóð fjárfestingafélags Auðar Capital  á viðskiptasíðum bandarísks grúskvefs http://www.findingdulcinea.com/news/business/2009/jan/Bjork-Starts-Venture-Capital-Fund-Aims-to-Save-Iceland.html

http://www.findingdulcinea.com/news/business/2009/march/Iceland-Combats-Financial-Crisis-with-Arts-and-Crafts-.html

Dead Owl. Verk eftir Roni Horn. Myndin var tekin á Melrakkasléttu

Núna nýverið var auglýst eftir umsóknum í nýjan sjóð, Náttúruverndarsjóð, sjá nýtt netfang hans:  http://natturuverndarsjodur.is/ Í fréttatilkynningu frá sjóðnum segir m.a.:

Markmið sjóðsins er að auka almenna þekkingu á íslenskri náttúru svo að umgengni okkar og nýting á verðmætum hennar geti í ríkari mæli einkennst af virðingu og skynsemi. Samhliða er leitast við að bæta tengsl Íslendinga við náttúru landsins og efla með því gott hugarfar, mannlíf og atvinnustarfsemi í sátt við umhverfið.

Markmiði þessu verði náð með því að styrkja verkefni sem fást við sköpun og miðlun þekkingar um náttúruna í víðum skilningi. Farvegurinn getur verið í gegnum listir, hvers kyns fræði og vísindi.

Stjórn sjóðsins skipa Lilja Pálmadóttir formaður, Guðmundur Oddur Magnússon prófessor í Listaháskóla Íslands og Skúli Skúlason rektor Háskólans á Hólum.

Málþing í fyrirlestrarsal Þjóðminjasafns Íslands, fimmtudaginn 19. mars, kl. 12.15-13.30 um nýjar áherslur í atvinnuuppbyggingu á Íslandi. Sjá síðustu færslu með viðtali við fyrirlesarann Leo Christensen.

Að málþinginu standa Félag umhverfisfræðinga á Íslandi og Staðardagskrárskrifstofa Sambands íslenskra sveitarfélaga. Undanfarin misseri hefur umræða um nýjar áherslur í atvinnuuppbyggingu á Íslandi verið áberandi. Sumir vilja halda því fram að umhverfisáherslur séu eða ættu að vera kjarninn í því uppbyggingarstarfi sem framundan er. Mikilvægt er að líta til reynslu annarra af mótun nýrra atvinnutækifæra. Leo Christensen hefur undanfarin 10 ára leitt nýjar áherslur í atvinnumálum í sveitarfélaginu Lálandi (Lolland kommune) í Danmörku. Þegar hann hóf störf var atvinnuástand á svæðinu mjög bágborið, atvinnuleysi um 20% og svæðið talið tilheyra fátækasta hluta Danmerkur. Sveitarfélagið ákvað að snúa við blaðinu og skapa ný atvinnutækifæri á eyjunni með sérstakri áherslu á vistvæna orkugjafa. Þetta varð til þess að nýr iðnaður skapaðist á Lálandi, störf urðu til og atvinnuleysi er nú einungis um 3%. Þetta starf Leo Christensen hefur vakið mikla athygli víða um lönd og m.a. fengið umfjöllun í New York Times. Hann mun segja frá starfi sínu á Lálandi og ræða við málþingsgesti fimmtudaginn 19. mars nk. (more…)

Hrognin eru að koma og þau klekjast út. Klak og Viðskiptasmiðjan í virkum tengslum við sprota, atvinnulíf og fjárfestingafélög

Viðskiptasmiðjan – Hraðbraut nýrra fyrirtækja áætlar að skapa 150 ný sprotafyrirtæki, 1.000-3.000 ný störf, um 2-3 milljarða í innlenda og erlenda fjárfestingu og fyrirtæki Viðskiptasmiðjunnar munu skapa um 3-4 milljarða í gjaldeyristekjur frá 2009-2011. Þetta eru góðar fréttir fyrir nýja og nauðsynlega framfarasókn íslensks atvinnulífs.
Samstarfsaðiliar Viðskiptasmiðjunnar – Hraðbraut nýrra fyrirtækja eru: Samtök iðnaðarins, Nýsköpunarsjóður atvinnulífsins, Frumtak, Thule Investments, Auður Capital og Sprotaþing Íslands, ásamt Háskólanum í Reykjavík og Háskólanum á Bifröst.

Klak – Nýsköpunarmiðstöð atvinnulífsins er sprotafyrirtæki sem sérhæfir sig í að þjóna sprotafyrirtækjum og Viðskiptasmiðjan – Hraðbraut nýrra fyrirtækja er eitt af þeim verkefnum sem Klak stendur fyrir og hefur vakið gríðarlega athygli og velvilja. Klak er eitt af örfáum stuðningsfyrirtækjum sprota og frumkvöðla í Evrópu sem er rekið án opinbers stuðnings.  Það er jafnframt einstætt í Evrópu að verkefni sem felur í sér eins viðamikla aðstoð við sprotafyrirtæki eins og Viðskiptasmiðjan – Hraðbraut nýrra fyrirtækja gerir, sé rekið án opinbers stuðnings.
(more…)

Dr. Eyþór Ívar Jónsson, framkvæmdastjóri Klaks og Viðskiptasmiðjunnar. Hann hlaut nýverið stóran norrænan styrk til að þróa aðferðir viðskiptasmiðjunnar

Klak, Nýsköpunarmiðstöð Atvinnulífsins og Viðskiptasmiðjan, tók þátt í að skipuleggja vinnufundastarf um nýsköpun og náttúruvernd, sprota og sjálfbærni, ásamt Háskólanum í Reykjavík, Náttúru.info og Björku Guðmundsdóttur, þar sem reynt var að finna nýjar leiðir til að byggja upp nýsköpunarumhverfi á Íslandi til frambúðar með sjálfbæra þróun að leiðarljósi. Eitt af því sem menn ræddu og margir voru sammála um, var að leiðin frá sprotahugmynd til fyrirtækis sem virkar og getur verið hluti af klasa í kerfi sem er sjálfbært, er oftast of krókótt. Því þyrfti að ryðja ýmsum hindrunum úr vegi, reglugerðarlegum og hugarfarlegum og byggja í sameiningu einhverskonar hraðbraut að nýju atvinnulífi og menningu. Í þessu ljósi er eftirfarandi frétt frá Klakinu sérlega gleðileg, en þar segir frá einni slíkri Hraðbraut sem er búin að vera í undirbúningi lengi og er nú loksins fær og farin að skila arði inn í allt vegakerfið: 25 ný fyrirtæki, 150 ný störf, ríflega 500 milljóna króna fjárfesting og 300 milljónir í gjaldeyristekjur. (more…)

Þorgeir Pálsson, framfarafulltrúi á Vestfjörðum

Atvinnuþróunarfélag Vestfjarða hefur verið öflugt í uppbyggingar- og frumkvöðlastarfi á síðustu misserum og árum og gefur ekkert eftir núna í kreppunni. Framkvæmdastjóri félagsins, Þorgeir Pálsson tók er kraftmikill og bjartsýnn frumkvöðla- og framfarafulltrúi og hann tók þátt í samræðu Neista um nýsköpunarmöguleikana og sendir okkur nokkra af pistlum sínum til birtingar, en einnig má benda á ágætan vef Atvinnuþróunarfélagsins www.atvest.is.  Hér er mjög þörf grein um nýja Ísland, ný tengsl landsbyggðar og borgarsamfélags og um nauðsynlegar forsendur raunverulegrar uppbyggingar, þar sem skorað er á stjórnvöld að styrkja Byggðastofnun til vinna nýsköpun Íslands gengi og gagn.

(more…)

Eff2 Tecnologies, sem er hugbúnaðarsproti sem er svokallað “spin-off” eða afleggjari frá Database Lab Háskólans í Reykjavík, vann frumkvöðlakeppni Innovit, Gulleggið, í fyrra, vann nú nýsköpunarverðlaun í Genius keppninni í Austurríki í ár fyrir Videntifier Forensic hugbúnað sem auðveldar t.d. lögreglu að finna ólöglegt efni, s.s. klámefni, á netinu, með háþróaðri minnislausn, en lausnin hefur líka verið kynnt sem möguleg forvarnarlausn fyrir foreldra í framtíðinni, sjá heimasíðu sprotans: http://eff2.net/

Um daginn, eða 13. janúar s.l. var haldinn hádegisfundur á vegum Eþikos, miðstöðvar Íslands um samfélagsábyrgð fyrirtækja og sérlega áhugavert var erindi Jóns Ólafssonar heimspekings og forseta félagsvísindadeildar Háskólans á Bifröst, en erindið var beitt og kallaðist Launhæðni, kaldhæðni og samfélagsbreytingar. Annað gott erindi hélt Jón Gunnar Bernburg, dósent í félagsfræði H.Í. um Siðrof og samfélagsbreytingar og svo sátu Katrín Jakobsdóttir, Bjarni Benediktsson og Ólafur Stephensen í pallborði. Ævar Kjartansson á staðnum til að taka erindin og umræðurnar upp fyrir Ríkisútvarpið, Í heyranda hljóði: http://dagskra.ruv.is/ras1/4431857/2009/01/27/

Heimildarmyndin the Corporation lýsir hinu kapítalíska kerfi sem geðsjúklingi

EÞIKOS -Miðstöð Íslands um samfélagsábyrgð fyrirtækja stendur fyrir hádegisfundi þriðjudaginn 13. janúar kl. 12:00-13.15 í stofu 101 í Háskólanum í Reykjavík, Ofanleiti 2, Reykjavík sem ber yfirskriftina: Siðrof eða siðfrestir? Þjóð á krossgötum. Þar mun Dr. Jón Gunnar Bernburg, dósent í félagsfræði við Háskóla Íslands flytja erindið Siðrof og samfélagsbreytingar, og Dr. Jón Ólafsson, forseti félagsvísindadeildar Háskólans á Bifröst, erindið Launhæðni, kaldhæðni og siðleysi. Á eftir verða umræður og í pallborði sitja Bjarni Benediktsson og Katrín Jakobsdóttir, alþingismenn og Ólafur Stephensen, ritstjóri Morgunblaðsins. Aðgangur er ókeypis og öllum opinn. (more…)