Í dag, mánudaginn 12. janúar, klukkan, 17.45 – 21.00 verður haldinn Heimskaffihúsfundur á vegum Verkfræði- og náttúruvísindasviðs  á Háskólatorgi.

Á fyrsta  Heimskaffihúsafundinum,  verður  framleiðsla  íslenskrar hönnunar til umræðu. Þar verður teflt saman verkfræðingum, tæknimönnum, iðnaðarmönnum, hönnuðum, frumkvöðlum og fjárfestum til að ræða hvernig efla megi framleiðslu á íslenskri hönnun hér á landi. (more…)

Oddný Jósefsdóttir Sporður Línakradalur 531 Hvammstangi +354 451 2598 +354 861 6390 oddajos@visir.is

Frábær bæklingur með myndum og upplýsingum um íslenska hönnun og handverk var gefinn út fyrir jólin, en rann út eins og heitar lummur og erfitt að nálgast hann. En það er hægt að nálgast hann á netinu, og þótt jólin séu búin, þá gefast önnur tækifæri til að gefa góða gjöf og gefa Íslandi gjöf, sjá http://handverkoghonnun.is

New York Times birti á aðfangadag frétt um nýjan sprotasjóð Auðar Capital í nafni Bjarkar Guðmundsdóttur og sjóðurinn hefur víða vakið mikla athygli, sjá grein í N.Y.T.: Auður Capital og Björk í New York Times

Viðskiptasmiðjan – Hraðbraut nýrra fyrirtækja – lauk fyrstu önn sinni síðastliðin föstudag.  Viðskiptasmiðjan er nám sem flýtir ferli sprotafyrirtækja og gerir uppbyggingu þeirra markvissari.

Frumkvöðlar sem að sækja Viðskiptasmiðjuna eru ýmist með hugmyndir á frumstigi eða með fyrirtæki sem eru búnin að vera í einhvern tíma í rekstri og vilja þróa vaxtarsprota innan fyrirtækisins eða t.d. skipuleggja alþjóðavæðingu.  Í Viðskiptasmiðjunni er boðið upp á námskeið sem skapa nauðsynlega þekkingu og leiðbeinendur og ráðgjafa sem vísa veginn.  Á námskeiðinu skapast líka tengsl við aðra frumkvöðla og fjárfesta sem veitir stuðning, orku og eykur líkur á velgengni. Kennarar Viðskiptasmiðjunnar eru fræðimenn og frumkvöðlar sem margir hverjir eru hluti af nauðsynlegu stuðningskerfi sprotafyrirtækja, s.s. fjárfestar og ráðgjafar.
(more…)

Blaðamannafundur var haldinn í húsakynnum Auðar Capital í gær. þ. 17. des, þar sem tilkynnt var um sprotasjóðinn Björk, sem er fagfjárfestasjóður fyrir fjárfesta að beina féi í nýsköpun og frumkvöðlastarfsemi og taka virkan þátt í uppbyggingu á Íslandi um leið og þeir ávaxta fé sitt, eins og segir í fréttatilkynningu frá Auði Capital. Ennfremur segir að fjárfest verði í fyrirtækjum sem eru að leysa úr læðingi verðmæti sem byggja á sérstöðu Íslands og eru sjálfbær, þ.e.a.s. standa fjárhagslega undir sér, stunda samfélagslega ábyrga viðskiptahætti og eru umhverfisvæn. Sérstakur áhugi er á fjárfestingum sem nýta menntun okkar og menningu og búa yfir nýrri tækni og/eða nýrri nálgun.

Sjá nánar um sprotasjóðinn BJÖRK á heimasíðu Auðar Capital

http://dagskra.ruv.is/ras1/4450843/2008/12/17/2/

FRÉTTATILKYNNING frá Vaxtarsamningi Norðurlands vestra

Fimmtudaginn 4. desember sl.  fundaði stjórn Vaxtarsamnings Norðurlands vestra öðru sinni um úthlutanir, byggðar á umsóknum sem bárust í nóvember. Alls bárust 27 umsóknir, um tæpar 62 milljónir króna. Stjórnin ákvað að úthluta samtals kr. 20.400.000, og skiptist sú upphæð í kr. 15.000.000 í peningum og andvirði kr. 5.400.000 í sérfræðiaðstoð sem bakhjarlar VNV leggja fram (sjá vef VNV).

Hér á eftir fylgir örstutt yfirlit um verkefnin, sem styrkt voru að þessu sinni: (more…)

Á vef Umís, Environice má finna góðar og gagnlegar skýringar á lykilhugtökum í umhverfismálum okkar tíma. Meðal annars þessa fínu klausu um sjálfbæra þróun, og eins gott að glöggva sig á grundvallaratriðum núna þegar Paul Hawken er að koma til að ræða um sjálfbæra þróun á Íslandi. Sjá: www.environice.is og ítarefni á: http://www.samband.is/dagskra21/template1.asp?Id=748&sid=133

Sjálfbær þróun, eða Sustainable Development, eins og hugtakið nefnist á ensku, er venjulega skilgreind sem „þróun sem gerir okkur kleift að mæta þörfum okkar, án þess að stefna í voða möguleikum komandi kynslóða á að mæta þörfum sínum”. Hér er með öðrum orðum átt við þróun sem getur haldið áfram, þ.e.a.s. þróun sem er „gerð til að endast“. (more…)

Albrecht Durer

Ég mætti á málþing í dag um sjálfbæra þróun á tímamótum, sem Félag umhverfisfræðinga hélt á Hótel Sögu. Það mættu um sjötíu manns og spunnust líflegar umræður. Erindin berast vonandi inn á náttura.info innan skamms, en ég ætla hér að freista þess að gera smá skýrslu um atburðinn.

Guðmundur Ingi Guðbrandsson, formaður Félags umhverfisfræðinga á Íslandi setti fundinn og hélt smá tölu og ítrekaði hversu mikilvægt væri að skilgreina hvað felst í sjálfbærri þróun. Undir það var tekið í umræðum, þar sem nú væri þetta tískuorð væri eins gott að það missti ekki strax merkingu sínu og flettist út í einhverri ofnotkun. Hins vegar, var bent á í umræðum, má heldur ekki gera hugtakið svo heilagt að það þori enginn að nota það sem viti ekki nákvæmlega hvað það þýðir. Guðmundur Ingi vísaði í skýrslur Aðalheiðar Jóhannesdóttur í Háskóla Íslands sem hefur rannsakað þær lagaheimildir og önnur stjórnskýsluskjöl þar sem hugtakið sjálfbær þróun kemur fyrir, sem er víst nokkuð víða, og komist að því að hugtakið er nánast aldrei útskýrt. Og Guðmundur sagði að nú væri kominn tími til þess. (more…)