Ástarstafur af síðu Galdrasafns á Ströndum. Fiðringur ástarinnar kemur í menn á vorin og gott að nýta sér þann kraft til fræðaiðkunar

Laugardaginn 11. apríl 2009 mun Þjóðfræðistofa blása til vorþings og kynna ýmis verkefni sín og samstarfsmanna. Fjallað verður m.a. um þjóðerni og íróníu. Sýnd verða sýnishorn úr heimildamyndum í framleiðslu Þjóðfræðistofu, svo sem Leitin að Gísla Suurinpojan, sem fjallar um ferð finnsks þjóðfræðings á slóðir Gísla sögu Súrssonar; Hannes Lárusson myndlistarmaður og forstöðumaður Íslenska bæjarins og Magnús Rafnsson sagnfræðingur og stjórnarformaður Strandagaldurs stíga á stokk og ræða íslenskan torfbæjararf. Þá mun Dr. Sigurjón Baldur Hafsteinsson mannfræðingur og lektor í safnafræðum við HÍ kynna þá nýju námsbraut. Að lokum verður fjallað um hinn goðsagnakennda mjöð og gestum boðið að bragða á.

Vorþingið mun fara fram á Café Riis á Hólmavík og hefst klukkan 13.30.

Allir áhugamenn velkomnir og sérstaklega þeir sem hafa upplýsingar um torfbæi á Ströndum. Frekari upplýsingar í dir@icef.is og www.icef.is .

Ef þessi foli er inni í ímynd Íslands þarf ekki að hafa áhyggjur. mynd af vefnum Nordurland.is

Nóg að gera við að fylgjast með málþingum og ráðstefnum á Íslandi eins og venjulega á veturna! Í dag setur maður sig alveg inn í örgrænu lausnirnar á sjálbæra ævintýrinu og í kvöld ræða síðan tvær góðar konur frá Háskólanum á Hólum um svæðisbundnar ímyndir. Fyrirlestrar Guðrúnar Þóru Gunnarsdóttur og Guðrúnar Helgadóttur hefjast klukkan átta í kvöld og dagskráin stendur til tíu. Valdimar Hafstein verður með athugasemdir og viðbrögð við lestrunum og fundarstjóri er Ólöf Gerður Sigfúsdóttir. Ímyndir Íslands. Fjallað verður um rannsókn sem Ferðamáladeild Háskólans á Hólum og Rannsóknarmiðstöð ferðamála gerðu árið 2008 á svæðisbundnu markaðsstarfi í íslenskri ferðaþjónustu. Meginmarkmið rannsóknarinnar, sem unnin var að undirlagi Ferðamálastofu, var að skoða hvernig hlutverki, starfsemi og uppbyggingu markaðsstofa um landið væri háttað og hverjir kæmu að mótun svæðisbundinnar markaðssetningar og með hvaða hætti. Tekin voru viðtöl við á fimmta tug aðila sem tengjast markaðsstofum, upplýsingamiðstöðum, ferðamálasamtökum og atvinnuþróunarfélögum hinna mismunandi landshluta. (more…)

Fréttir berast daglega af áhugaverðum nýsköpunartilraunum út um allt land; dýrfisk hönnun á bátum og Landbúnaðarháskólinn opnar sig fyrir nýjum möguleikum og stofnsetur frumkvöðlasetur og býður upp á mjög áhugavert nám í framtíðarfræðum; sjá t.d. upplýsingar um  Auðlindadeild skólans: http://www.lbhi.is/skipurit/audlindadeild þar sem sagt er frá mikilvægi þess að viðhalda og þróa íslenskar erfðaauðlindir í búfé og nytjajurtum og byggja upp sjálfbær framleiðslukerfi sem tryggja gæði og rekjanleika afurðanna frá framleiðanda til neytanda. Við skólann er líka boðið upp á nám í náttúru- og umhverfisfræði.

En svo er hjakkað í sama farinu og látið eins og þurfi endilega að eyðileggja Arnarfjörð og aðra firði, leita í örvæntingu að olíu og virkja á Bakka. Sjá næstu færslu.

Hið káta andóf á Austurvelli, með blysum, söng, trommuleik á húðir og á eldhúsáhöld og bjöllur, með dansi og ítrekaðri bón um að ríkisstjórnin segi af sér -að það megi ekki enda í ofbeldi, það er ósk dagsins. Og að það hafi áhrif.

Keilir er er miðstöð vísinda, fræða og atvinnulífs er alhliða menntafyrirtæki í eigu háskóla, fyrirtækja og almannasamtaka, til staðar á gamla Hersvæðinu í Keflavík, sjá nánar á vefnum www.keilir.net Í endurnýttum herbúðum er boðið upp á nám í nýjum orkufræðum og frumkvöðlafræðum og innan þess er Skóli skapandi greina sem virkar sérlega spennandi kostur fyrir þá sem vilja virkja bæði heilahvelin á sér:

Skóli skapandi greina á Keili  hefur í hyggju að fara af stað með nýja námsleið innan frumkvöðlanámsins, sem leiðir til tveggja ára (120 ECTS) diplómaprófs í viðskiptalist og er stefnt að upphafi hennar í febrúar 2009 ef þátttaka næst.

Með námi í viðskiptalist er í fyrsta skipti á Íslandi skapaður grundvöllur fyrir þá frumkvöðla sem mikilvægastir verða í framtíðinni, alhliða framleiðendur með þjálfað, listrænt innsæi í samspili við kjarngóða viðskiptaþekkingu. Frumkvöðla án “hugmyndar” í hefðbundnum skilningi en vopnaða óbilandi trausti á skapandi ferli og lausnir, hafandi kynnst í náminu þeirri hugmyndaorku sem leysist úr læðingi í samspili ólíkra krafta.
(more…)

Í veffréttum mbl.is er í dag viðtal við Önnu Margréti Guðjónsdóttur, starfsmann Sambands íslenskra sveitarfélaga í Brussel. Hún svarar því játandi hvort sveitarfélögin myndu eflast við inngöngu í Evrópusambandið, því bæði myndu þau þar fá tækifæri til að komast í fleiri og öflugri tengslanet og meiri möguleika á styrkjum, að því gefnu að mótframleg íslenska ríkisins væri til staðar, sjá http://mbl.is/mm/frettir/sjonvarp/22010

Á morgun, fimmtudaginn 4. desember, verður Rannsókna- og fræðasetur Háskóla Íslands á Húsavík formlega opnað.  Starfsemi setursins hófst fyrir ári síðan í bráðabirgðahúsnæði að Garðarsbraut 19, en flutti nýverið í nýtt og glæsilegt húsnæði að Hafnarstétt 3 (gamla Langaneshúsið).  Þar hafa einnig aðsetur Þekkingarsetur Þingeyinga, Náttúrustofa Norðausturlands og Heilbrigðiseftirlit Norðurlands eystra.

Áherslusvið Rannsókna- og fræðasetursins á Húsavík eru rannsóknir á sjávarspendýrum og lífríki sjávar. (more…)

Ferðaþjónustu-, menningar- og matvælaklasinn Ríki Vatnajökuls var formlega stofnaður sumarið 2007. Innan klasans starfa nú 74 aðilar (einstaklingar, félagasamtök, fyrirtæki og stofnanir). Sameiginlegt markið er að efla atvinnu- og mannlíf á suð-austurlandi með þverfaglegu samstarfi um samtvinningu ferðaþjónustu, menningar og matvælaframleiðslu.

Ríkis Vatnajökuls ehf. , er ferðaþjónustu-, matvæla- og menningarklasi Suðausturlands. Ríki Vatnajökuls er afrakstur af klasastarfi sem staðið hefur yfir í Hornafirði frá árinu 2004 og HH verkefnis sem haldið var á vegum Útfluttningsráðs Íslands í byrjun árs 2007. Nýstofnaður Vaxtasamningur Austurlands og vilji Sveitarfélagsins Hornafjarðar styður enn frekar þann ásetning heimamanna að stofna til formlegs félags ferðaþjónustuaðila og matvælaframleiðenda sem vinni að sameiginlegum hagsmunum þátttakenda með skýrri framtíðarsýn og stefnu. Fjöldi aðila hefur komið að undirbúningi en hluthafar félagsins eru 40. Þátttakendur í Ríki Vatnajökuls meta ávinning samstarfs fram yfir sundurlyndi. Félagið er því samstarfsvettvangur keppinauta aukinheldur sem fjöldi annarra kemur að málinu. Þeir aðilar sem hafa áhuga á að starfa innan Ríkis Vatnajökuls eru hvattir til að setja sig í samband við Rósu Björk Halldórsdóttur framkvæmdastjóra Ríkis Vatnajökuls. Sjá nánar á http://www.hornafjordur.is/

Sveitarfélagið Hornafjörður og Vaxtasamningur Austurlands hafa stutt við verkefnið.

Á Fræðsluvef Matís, sem enn er í vinnslu, má finna áhugaverðuar upplýsingar um m.a. rekjanleika, verkunar- og geymsluaðferðir sjávarfangs.

Matís ohf (áður Rannsóknastofnun fiskiðnaðarins) hefur stundað rannsóknir og unnið margvísleg verkefni fyrir íslenskan sjávarútveg og fiskiðnað í áratugi. Niðurstöður þessara rannsókna og verkefna voru birtar með margvíslegum hætti, t.d. í skýrslum, pistlum, ritum og handbókum, auk námskeiða og ráðgjafar til fyrirtækja og einstaklinga.

Smám saman safnaðist saman mikil vitneskja um fisk, hvernig best er að meðhöndla hann, vitneskja um helstu verkunar- og geymsluaðferðir á fiski og öðrum matvælum. Sumt af þessu er byggt á niðurstöðum úr rannsóknum sem gerðar voru á Rf og verður haldið áfram á Matís ohf, annað er þekking sem starfsfólk hefur aflað sér í gegn um áralangt samstarf við fólk í sjávarútvegi og fiskiðnaði, sem og innlenda og erlenda vísindamenn. Þessum fróðleik um fisk og flest það sem honum við kemur er nú miðlað á Fræðsluvef Matís, sem þar með leysir af hólmi eldra vefsetur um sama efni, sem hét Á Vísan að róa.

Sjá nánar:http://fraedsluvefur.rf.is/

Á nýjum vef Matvælastofnunar eru upplýsingar um eftirfarandi og annað: Áburður, Alifuglarækt, Búfjárræk, Dýralæknar, Dýravernd, Dýrasjúkdómar, Fiskeldi, Fiskrækt, Fóðureftirlit, Hvalveiðar, Innflutningur, Lyf og lyfjasala, Lífrænn landbúnaður, Loðdýrarækt, MATVÆLI, Náttúruvernd, Plöntur, Sáðvara, Sláturhús, Svínarækt, Útflutningur, Viðarumbúðir. . .

Sjá: http://www.mast.is/logogreglur/slaturhus