Hið káta andóf á Austurvelli, með blysum, söng, trommuleik á húðir og á eldhúsáhöld og bjöllur, með dansi og ítrekaðri bón um að ríkisstjórnin segi af sér -að það megi ekki enda í ofbeldi, það er ósk dagsins. Og að það hafi áhrif.

Keilir er er miðstöð vísinda, fræða og atvinnulífs er alhliða menntafyrirtæki í eigu háskóla, fyrirtækja og almannasamtaka, til staðar á gamla Hersvæðinu í Keflavík, sjá nánar á vefnum www.keilir.net Í endurnýttum herbúðum er boðið upp á nám í nýjum orkufræðum og frumkvöðlafræðum og innan þess er Skóli skapandi greina sem virkar sérlega spennandi kostur fyrir þá sem vilja virkja bæði heilahvelin á sér:

Skóli skapandi greina á Keili  hefur í hyggju að fara af stað með nýja námsleið innan frumkvöðlanámsins, sem leiðir til tveggja ára (120 ECTS) diplómaprófs í viðskiptalist og er stefnt að upphafi hennar í febrúar 2009 ef þátttaka næst.

Með námi í viðskiptalist er í fyrsta skipti á Íslandi skapaður grundvöllur fyrir þá frumkvöðla sem mikilvægastir verða í framtíðinni, alhliða framleiðendur með þjálfað, listrænt innsæi í samspili við kjarngóða viðskiptaþekkingu. Frumkvöðla án “hugmyndar” í hefðbundnum skilningi en vopnaða óbilandi trausti á skapandi ferli og lausnir, hafandi kynnst í náminu þeirri hugmyndaorku sem leysist úr læðingi í samspili ólíkra krafta.
(more…)

Á morgun, fimmtudaginn 4. desember, verður Rannsókna- og fræðasetur Háskóla Íslands á Húsavík formlega opnað.  Starfsemi setursins hófst fyrir ári síðan í bráðabirgðahúsnæði að Garðarsbraut 19, en flutti nýverið í nýtt og glæsilegt húsnæði að Hafnarstétt 3 (gamla Langaneshúsið).  Þar hafa einnig aðsetur Þekkingarsetur Þingeyinga, Náttúrustofa Norðausturlands og Heilbrigðiseftirlit Norðurlands eystra.

Áherslusvið Rannsókna- og fræðasetursins á Húsavík eru rannsóknir á sjávarspendýrum og lífríki sjávar. (more…)

Ný líftæknismiðja á Sauðárkróki

Háskólasetrið í Hveragerði vinnur að rannsóknum á eiginleikum og heilnæmi jarðhitabaða og náttúrlegum forsendum fyrir heilsuböðum á Íslandi. Markmið rannsóknanna er að efla heilsutengda ferðaþjónustu sem byggir á jarðhitaböðum og að styrkja markaðssetningu hennar með aukinni vísindalegri þekkingu. Setrið hyggst veita rekstraraðilum heilsubaða, eins og almenningslauga, náttúrulauga og leirbaða slíka rannsóknarþjónustu, sem einkum beinist að líffræðilegri virkni og heilnæmi jarðhitabaða.

Sjá nánar um rannsóknirnar á heimasíðu Háskólaseturs í Hveragerði: www.nedrias.is

Mynd af baðlaugalista á hverasíðu Háskólasetursins

Þekkingarsetur Þingeyinga er símenntunar-, háskólanáms- og rannsóknasetur sem starfar á grunni tveggja stofnana er sameinaðar voru árið 2006. Um er að ræða símenntunarmiðstöðina Fræðslumiðstöð Þingeyinga annars vegar og háskólanáms- og rannsóknasetur sem starfaði einnig undir nafni Þekkingarseturs Þingeyinga fram að sameiningunni. Fræðslumiðstöðin hóf starfsemi árið 1999 og sinnti fullorðinsfræðslu og símenntunarstarfi í héraðinu en Þekkingarsetrið var stofnað árið 2003 samhliða Náttúrustofu Norðausturlands, sem starfar innan setursins. Starfssvæði Þekkingarsetursins er Þingeyjarsýslur en aðsetur þess er á Húsavík. Þekkingarsetur Þingeyinga býður upp á námskeiðahald, hefur milligöngu um námsleiðir og námsframboð fyrir fólk og vinnustaði og rekur háskólanámssetur með þjónustu og vinnuaðstöðu fyrir háskólanema á svæðinu. Einnig er setrið miðstöð rannsókna og hýsir til lengri og skemmri tíma fólk, stofnanir og fyrirtæki sem stunda rannsóknir í héraðinu.

Sjá nánar: http://www.hac.is

Snorrastofa er menningar- og miðaldasetur í Reykholti, sem komið hefur verið á fót til minningar um Snorra Sturluson. Stofnuninni er ætlað að sinna og stuðla að rannsóknum og kynningu á miðaldafræðum og sögu Reykholts og Borgarfjarðar sérstaklega. Húsnæði stofnunarinnar er við hlið hinnar nýju kirkju í Reykholti, en þar er gott bókasafn, skrifstofa, gestaíbúð fyrir fræðimenn og rithöfunda og vinnuaðstaða fyrir fræðastörf. Á vegum Snorrastofu eru haldin námskeið, ráðstefnur og fundir og settar upp sýningar er tengjast þessum viðfangsefnum. Meðal annars er stuðlað að fjölþjóðlegum og þverfaglegum rannsóknum er tengjast Íslandi, og þá ekki síst hvað varðar Snorra Sturluson.

Sjá nánar: http://www.snorrastofa.is/

Nýheimar eru miðstöð fjölbreyttrar starfsemi þar sem unnið er að því að leysa úr læðingi sköpunarkraft hvort sem um er að ræða við nám, leik eða störf. Nýheimar eru vettvangur til:

Að byggja upp þekkingu, hæfni og frumkvæði með því að bjóða upp á fjölbreytta möguleika til menntunar á framhalds- og háskólastigi; Að örva listsköpun og efla félagsauð og menningarlíf svæðisins ; Að vera aflvaki atvinnulífs á Suðausturlandi með því að bjóða upp á ráðgjöf auk aðstöðu til nýsköpunar; Að standa fyrir öflugu rannsókna og þróunarstarfi.

Nýheimar eru vettvangur þar sem samvinna ólíkra aðila veitir ráðrúm til nýsköpunar og eflir jafnframt atvinnu- og menningarlíf. (more…)

Stofnun fræðasetra Háskóla Íslands er rannsókna- og þjónustustofnun sem heyrir undir Háskólaráð. Stofnunin byggist á fræða- og rannsóknasetrum Háskóla Íslands á landsbyggðinni sem eru faglega sjálfstæðar einingar. Stofnunin er vettvangur samstarfsverkefna Háskólans við sveitarfélög, stofnanir, fyrirtæki, félagasamtök og einstaklinga á landsbyggðinni. Markmið stofnunarinnar er enn fremur að skapa aðstöðu til rannsókna á landsbyggðinni, auka möguleika almennings til menntunar og styrkja tengsl Háskóla Íslands við atvinnu- og þjóðlíf.

Frá árinu 1998 hefur á vegum rektors Háskóla Íslands verið unnið að því að efla tengsl skólans við landsbyggðina, m.a. með því að fjölga rannsókna- og fræðasetrum Háskóla Íslands úti á landi. (more…)

Þekkingarnet Austurlands er sjálfseignarstofnun, formlega stofnuð 13. júní 2006 á grunni Fræðslunets Austurlands sem stofnað var 30. október 1998. Starfssvæði er allt Austurland, frá Skeiðará í suðri að Langanesi í norðri.
Meginmarkmið með starfi Þekkingarnets Austurlands er að bæta aðgengi íbúa Austurlands að háskólanámi, símenntun og styrkja með því jákvæða byggðaþróun.

Verkefni Þekkingarnets Austurlands:

ÞNA veitir upplýsingar um nám og tækni.
ÞNA miðlar háskólanámi, kynnir námið, þjónustar fjarnema og hefur umsjón með prófum.
ÞNA skipuleggur námskeið á fjölmörgum sviðum.
ÞNA veitir ráðgjöf til fyrirtækja og einstaklinga.
ÞNA tekur þátt í þróunarverkefnum með samstarfsaðilum. (more…)