Vinnufundurinn sem Björk og nattura.info boðuðu til í H.R. í gær var vel heppnaður; á öllum borðum var glóandi samræða og niðurstöður hvers vinnuborðs fyrir sig gáfu manni von um raunverulega endurskoðun og úrbætur á Íslandi. Um hundrað manns, alls staðar af landinu og af öllum sviðum samfélagsins, tók þátt í mjög svo ögrandi umræðu um nýsköpun Íslands, um orkumálastefnu, menntastefnu og endurnýtingu þekkingarinnar sem m.a. byggðist upp í kringum bankaveldið.

Sumum var orðið mjög heitt í hamsi, orkan á orkuborðinu var til dæmis mikil, þar sátu helstu hagfræðingar landsins ásamt Andra Snæ, Guðna orkumálastjóra og fulltrúa fjórðungssambands Vestfjarða ásamt fleira góðu fólki. Á líftækniborði var áhyggjuefnið að missa doktorsnema úr landi, fjárfestar höfðu áhyggjur af vöntun á stefnu og sýn og allir vildu halda áfram að ræða málin og finna leiðir út úr ógöngunum á Íslandi.

(meira …)

Viðar Hreinsson, framkvæmdastjóri ReykjavíkurAkademíunnar ræðir um bók bandarísks prófessors í borgarfræðum og veltir fyrir sér möguleikum endurhugsunar á Íslandi sem heild:

Það mætti líka ganga skrefi lengra og endurmeta ýmis einkenni íslensks samfélags, hreinlega leggja niður gjána milli suðvesturhornsins og landsbyggðarinnar, eða þéttbýlis og dreifbýlis, líta á landið sem eitt borgarsvæði og rækta sköpunarmátt þess í heild.

Richard Florida heitir bandarískur prófessor í borgarfræðum, doktor frá Carnegie Mellon háskóla í Pittsburgh. Hann kenndi þar um hríð en er nú við George Mason háskóla í Fairfax. Hann boðar nýjar hugmyndir um þátt hinnar skapandi stéttar í efnahagslegum uppgangi. Höfuðrit hans í þeim efnum, The Rise of the Creative Class, kom út árið 2002 og varð metsölubók.

Vatnsæðar Íslands

Björk og vefur Nattura.info skipulögðu, eins og áður hefur komið fram, undirbúningsfundi fyrir frekari aðgerðir til að stuðla að sprotavexti og nýsköpun. Hljóðritunum frá þeim fundi verður útvarpað Í heyranda hljóði 21. okt. klukkan 21.00 á Rás eitt.

Vefnum hefur borist fyrirspurn um þátttökulistann, hvernig hann kom til. Svarið er bæði einfalt og flókið. Við byrjuðum í sumar að pæla í möguleikunum á því að styðja við uppbyggingu heilsulinda og spa-fyrirtækja á Íslandi, því við töldum að það væri góður valkostur við frekari stóriðju-framkvæmdir. Í þeirri pælingu rákumst við strax á nokkur ljón á vegi og kölluðum til sérfræðinga sem gátu skýrt fyrir okkur stöðuna. Síðan áttum við í áhugaverðri samræðu við fjárfesta og við þá sem okkur var bent á að gætu auðveldað framgang sprotahugmynda eins og heilsulindarhugmyndarinnar. Þannig rúllaði nafnalistinn af stað eins og snjóbolti, frá einum praktískum punkti til annars, þar til var kominn þessi líka fríði hópur.

(meira …)

Lappi Tálknfirðingur, fylgdist með vinnufundum 12. og 19. október og samdi þessar vísur af því tilefni:

Á kreppu tímum stöndum við
skútan lek og köld.
Ný´ sköpun þolir enga bið
upp´ risan tekur völd.

Í dag er upphaf betri tíð
við saman tökum þátt.
Framtíð brosir björt og blíð
okkar sjálfbær þjóðarsátt

The message here is very clear
we build on unik land.
Like Björk, my dear, my dear, my dear
we do it hand in hand.

við Evrópu til að efla rannsóknir á byggðaþróun á Íslandi

http://www.byggdastofnun.is/page/espon-tengilidur__ecp_/

Vinnufundir um aðrar leiðir að auðlindunum
(meira …)

For five weeks 2500 Swedish pupils will decline a lift to school as part of the “On your own two feet” – campaign, an initiative that has been set up to improve the environment, traffic safety and school performance.
(meira …)

Tvö þúsund og fimm hundruð börn í Gautaborg í Svíþjóð hafa ákveðið að láta ekki skutla sér í skólann í fimm vikur. Þetta er hluti af átaki í loftslagsmálum sem jafnframt hefur þann kost að draga úr umferð og stuðla þannig að öryggi Margir skólar í Gautaborg hafa mátt þola gríðarmikla umferð á morgnana þegar kennsla hefst.
(meira …)

Auðlind selur hlutabréf í náttúruauðlindum Íslands! Jólagjöfin í ár!

10/7/08

Sjóðurinn á sér ekki fyrirmyndir hér á landi, en erlendis eru til hliðstæðir sjóðir, oft samsarfsvettvangur einkaaðila, fyrirtækja og hins opinbera, sem vinna að verklegum framkvæmdum á sviði umhverfisverndar. Sjóðurinn á sér að sumu leyti hliðstæðu í  “Land Trust” sjóðum sem þekkir eru austan hafs og vestan og þykja af mörgum vera ein áhrifaríkasta leiða almennings til landverndar. Sjóðir af þessu tagi starfa samkvæmt auglýstum reglum þannig að allir geta kynnt sér starfsemina og þann árangur sem af henni næst.
Auðlind leggur af stað með starfsemi sína í árslok 2008, þegar þörf knýr á um að þétt sé haldið utan um dýrmætustu sjóði hverrar þjóðar, menningu og náttúruarf.  Með gildin; traust, ábyrgð, umhyggju og tillit að leiðarljósi leggur Auðlind ótrauð af stað í vegferð sína.

Auðlind verður til vegna þess að stofnendur hennar vilja að; hvorki landi eða vatni verði spillt með mengandi eða eyðandi starfsemi. Þeirra stefna er að stuðla að verndun og viðgangi land-og vantsgæða á Íslandi.

Dæmi um verkefni sem Auðlind hyggst styrkja eru endurheimt votlendis og viðhald arnarstofnarins. Þá getur Auðlind fest kaup á landi og gengist fyrir því að verndarkvaðir séu settar á land og hugsanlega endurselt landið með kvöðum.

Að Auðlind standa nokkir áhugasamir einstaklingar sem eiga að baki ólíka reynslu í atvinnulífinu. Meðal þeirra eru:  Frú Vigdís Finnbogadóttir fv. forseti Íslands, Guðmundur Páll Ólafsson rithöfundur og náttúrufræðingur, Orri Vigfússon formaður NASF Verndarsjóðs villtra laxastofna, Haraldur Sigurðsson jarðfræðingur og prófessor, Jóhann Ísberg ljósmyndari, Þórólfur Árnason forstjóri SKÝRR, Andri Snær Magnason rithöfundur, María Ellingssen leikstjóri, Þóra Ellen Þórhallsdóttir prófessor og Ívar Kristjánsson fjármálastjóri CCP, Ragnhildur Sigurðardóttir vistfræðingur og Salvör Jónsdóttir skipulagsfræðingur – svo nokkrir séu nefndir.

Auðlind er sjálfseignarstofnun sem verður formlega stofnuð á fullveldisdaginn 1.desember 2008, samkvæmt lögum um sjóði og stofnanir sem starfa samkvæmt staðfestri skipulagsskrá nr.19/1988.

Einstaklingar, félög og fyrirtæki sem leggja sérstök framlög í sjóðinn, að lágmarki 10.000 kr., fyrir 1. desember 2008 geta orðið stofnendur Auðlindar.
Öllum er heimil þátttaka og þeir sem ekki hafa tök á að greiða lágmarksstofnframlag í sjóðinn eru að sjálfsögðu jafn velkomnir í hópinn sem styrktaraðilar.
Þeir sem kjósa að styrkja sjóðinn sérstaklega með veglegum upphæðum gefst einnig kostur á að gerast vildarvinir sjóðsins í samráði við stjórn hans.

Skattskyldir lögaðilar og einstaklingar með rekstur geta dregið framlög til sjóðsins frá skattskyldum tekjum í samræmi við reglugerð 483/1994.
Kennitala AUÐLINDAR er: 580408-0440
Bankareikningur AUÐLINDAR er: 0325-13-301930
Nánari upplýsingar um AUÐLIND starfsemi hennar og stjórn verður að finna á vefsíðunni:
www.audlind.org

Fyrsta stjórn Auðlindar er skipuð fulltrúum úr hópi stofnenda, þeir eru: Guðmundur Páll Ólafsson, Haraldur Sigurðsson, Ívar Kristjánsson, Orri Vigfússon, Salvör Jónsdóttir, Ragnhildur Sigurðardóttir og Þórólfur Árnason en verndari sjóðsins er frú Vigdís Finnbogadóttir.